រាជធានីភ្នំពេញ ៖ ស្ត្រីម្នាក់សុំមិនបញ្ចេញឈ្មោះបានប៉ុនប៉ងលោតសម្លាប់ខ្លួនពីលើផ្ទះថ្មជាន់ទី៣ ដើម្បីធ្វើអត្តឃាត ដោយសារខឹងប្តីអង្គុយផឹកស៊ីនៅខាងមុខផ្ទះយូរពេក ដែលហេតុការណ៍នេះបានកើតឡើងនៅផ្ទះ តាមបណ្តោយផ្លូវលេខ២៧១ សង្កាត់ទំនប់ទឹក ខណ្ឌចំការមន កាលពីវេលាម៉ោង១១និង៣០នាទីយប់ថ្ងៃទី១៣ សីហា ២០១២ ។
ទោះបីយ៉ាងណា ការប៉ុនប៉ងលោតសម្លាប់ខ្លួនពីលើផ្ទះមិនបានសម្រេចទេ ដោយសារក្រុមគ្រួសារ និងសមត្ថកិច្ចនគរបាលប៉ុស្តិ៍ទំនប់ទឹកស្រែកឆោឡោឃាត់ស្ត្រីគិតខ្លីទាន់ពេល ។ តាមប្រភពព័ត៌មានពីសមត្ថកិច្ចនគរបាលដែលចុះទៅជួយអន្តរាគមន៍ឱ្យដឹងថា ស្ត្រីដែលគិតខ្លីប៉ុនប៉ងលោតពីលើផ្ទះសម្លាប់ខ្លួនខាងលើនេះបានស្លៀករ៉ូបរាត្រីពណ៌ស យ៉ាងស្រស់ស្អាតរង់ចាំប្តី ប៉ុន្តែដោយលោកប្តីជាប់ឆ្ងាញ់ស្រាអង្គុយផឹកស៊ីនៅខាងមុខផ្ទះក្រឡើងទៅដេក ទើបនាងប៉ុនប៉ងលោតសម្លាប់ខ្លួនបែបនេះ ៕
ចែករំលែកព័តមាននេះ