ក្រុងប៉ោយប៉ែត ៖ ការិយាល័យទំនាក់ទំនងព្រំដែនកម្ពុជា-ថៃ បើកកិច្ចប្រជុំបូកសរុបលទ្ធផលការងារឆមាសទី១ និងទិសដៅអនុវត្តបន្តឆមាសទី២ ឆ្នាំ២០១២ នៅសាលប្រជុំសណ្ឋាគារលីហេងឆាយ ក្នុងក្រុងប៉ោយប៉ែត កាលពីថ្ងៃទី១៣ សីហា ២០១២ ក្រោមអធិបតីភាពលោកសៀក សុជាតិ នាយរងសេនាធិការចម្រុះ និងជានាយកទីចាត់ការការងារព្រំដែនអគ្គបញ្ជាការ ។
យោងតាមរបាយការណ៍ប្រជុំបូកសរុបការងារសម្រាប់៦ខែដើមឆ្នាំ២០១២ បង្ហាញថា តាមបណ្តោយព្រំដែនកម្ពុជា-ថៃដែលការិយាល័យទំនាក់ទំនងព្រំដែនកម្ពុជា-ថៃទទួលខុសត្រូវមានជាង៨០០គីឡូម៉ែត្រ គឺចាប់ពីច្រកទ្វារអន្តរជាតិចាំយាម (ខេត្តកោះកុង) ដល់ច្រកមុំបីនៃខេត្តព្រះវិហារ និងមានខេត្តចំនួន៧ រួមមានកោះកុង, ពោធិ៍សាត់, បាត់ដំបង, ប៉ៃលិន, បន្ទាយមានជ័យ, ឧត្តរមានជ័យ និងព្រះវិហារមានពលរដ្ឋខ្មែរចំនួន៣៨នាក់ ត្រូវបានភាគីថៃបាញ់សម្លាប់រងរបួស១០នាក់ ចាប់ដាក់ពន្ធនាគារចំនួន១៩៤នាក់ បាត់ខ្លួនម្នាក់ សរុប២៤៣នាក់ ក្នុងនោះដោះលែងមកវិញចំនួន៨០នាក់ ស្រី២នាក់ ករណីកាប់ឈើ៤៦នាក់ឆ្លងដែនខុសច្បាប់៣៤នាក់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ