ទីភ្នាក់ងារព័ត៌មានអុីរ៉ង់ ISNA រាយការណ៍កាលពីថ្ងៃទី១៣សីហាថាប្រទេសអុីរ៉ង់ពុំទទួលយកសំណើរបស់តួកគីដែលចង់ផ្តល់ជំនួយដល់បណ្តាជនរងគ្រោះដោយសារការរញ្ជួយដី ។អ្នកទទួលខុសត្រូវម្នាក់នៃអឌ្ឍចន្ទក្រហមអុីរ៉ង់និយាយថា ដូចដែលអុីរ៉ង់បានប្រកាសដូច្នេះដែរថា ខ្លួននឹងមិនទទួលជំនួយអន្តរជាតិឡើយដូច្នេះជំនួយសង្គ្រោះស្នើឡើងដោយតួកគីបានត្រូវបដិសេធ ។
ប្រទេសជាច្រើនក្នុងនោះរួមមានតួកគី រុស្ស៊ី អេមីរ៉ាត អារ៉ាប់រួម និងសហរដ្ឋអាមេរិកបានស្នើផ្តល់ជំនួយដល់អុីរ៉ង់ក្រោយការរញ្ជួយដីខ្លាំង ២ កាលពីថ្ងៃទី១១សីហានៅភាគពាយ័ព្យអុីរ៉ង់មក។ មានការរញ្ជួយដី២កើតមានកាលពីថ្ងៃទី១១សីហានៅភាគពាយ័ព្យអុីរ៉ង់បណ្តាលឱ្យមនុស្សស្លាប់សរុប៣០៦នាក់និងរបួសជាង៣០០០នាក់ ៕
ចែករំលែកព័តមាននេះ