រាជធានីភ្នំពេញ ៖ តាមប្រភពព័ត៌មាននាព្រឹកថ្ងៃទី១៤សីហា បានឱ្យដឹងថា មន្ត្រីក្រសួងដែនដីនគរូបនីយកម្មនិងសំណង់៤នាក់ដែលជាប់ចោទពីបទពុករលួយ និងត្រូវបានសម្រេចឱ្យជាប់ឃុំនៅពន្ធនាគារព្រៃស កាលពីថ្ងៃទី៩ សីហា កន្លងមក ត្រូវបានលោកលាង សំណាត់ ចៅក្រមស៊ើបសួរសាលាដំបូងបានសម្រេចឱ្យនៅក្រៅឃុំបណ្តោះអាសន្ន តែបានដាក់ឱ្យស្ថិតក្រោមការត្រួតពិនិត្យតាមផ្លូវតុលាការ ។
មន្ត្រីទាំង៤រូប ត្រូវបានចោទប្រកាន់ថា បានពាក់ព័ន្ធនឹងអំពើពុករលួយមានទឹកប្រាក់ជិត២លានដុល្លារអាមេរិក លើការអនុវត្តន៍គម្រោងដីសម្បទានសង្គមកិច្ច និងសាងសង់លំនៅឋានជូនអតីតយុទ្ធជនឆ្នាំ២០១១ ៕
ចែករំលែកព័តមាននេះ