លោកហ្សង់ កាឡូស ពីនហ្សូន រដ្ឋមន្ត្រីការពារប្រទេសកូឡុំប៊ី ថ្លែងកាលពីថ្ងៃទី១២សីហាថា កងទ័ពកូឡុំប៊ីបានបង្កើនការតស៊ូប្រឆាំងពួកយុទ្ធជននៃកងកម្លាំងបដិវត្តន៍កូឡុំប៊ី FARC ដោយសម្លាប់ពួកឧទ្ទាមនេះ៣នាក់និងចាប់ខ្លួន៦នាក់ ទៀតនៅភាគនិរតីប្រទេស ។
កងទ័ពរដ្ឋាភិបាលបានបើកធ្វើប្រតិបត្តិការមួយក្នុងតំបន់ជនបទប៊ូអឺណាវេនទូរ៉ា ខេត្តវ៉ាល ដែលកាអ៊ូកា ភាគនិរតី ប្រទេសជាតំបន់ ដែលពួកឧទ្ទាមធ្វើការវាយប្រហារមួយចំនួនប្រឆាំងបណ្តាហេដ្ឋារចនាសម្ព័ន្ធសាធារណៈដោយកម្ទេចកាប៊ីនអគ្គិសនីមួយកាលពីថ្ងៃទី១១ សីហា ។ ប្រធានាធិបតីកូឡុំប៊ីលោកហ្សង់ម៉ានុយ អែលសាន់តូស បានបញ្ជូនលោកពីនហ្សូន និងកងឯកភាពយោធាជាច្រើនទៅកាន់កាលីដើម្បីស្តារសន្តិសុខវិញនៅតំបន់នោះ ។
លោកពីនហ្សូនគូសបញ្ជាក់ថា រដ្ឋាភិបាលនឹងពង្រឹងសន្តិសុខហើយធានាការគ្រប់គ្រងជាថ្មី លើចំណុចយុទ្ធសាស្ត្រជាច្រើននៃខេត្តកាអ៊ូកា ខេត្តណារីណូ និងខេត្ត វ៉ាលដែលកាអ៊ូកាភាគនិរតីប្រទេសជាតំបន់៣រងការប៉ះពាល់ដោយការខ្វះភ្លើងអគ្គិសនីប្រើ ។ លោកបញ្ជាក់ថា ពួកភេរវករត្រូវដឹងថាកងទ័ពនិងប៉ូលិសនឹងតាមប្រមាញ់ពួកគេពុំបន្ធូរដៃហើយពួកគេនឹងត្រូវសម្លាប់បន្តបន្ទាប់គ្នា ៕
ចែករំលែកព័តមាននេះ