ខេត្តកំពង់ស្ពឺ ៖ ករណីគ្រោះថ្នាក់ចរាចរណ៍លើកំណាត់ផ្លូវជាតិលេខ៤ នាយប់ថ្ងៃទី១២ សីហា ២០១២ បានកើតឡើងចំនួន២លើកនៅចំណុចខុសគ្នា និងក្នុងពេលម៉ោងបន្ទាប់គ្នា បណ្តាលឱ្យមនុស្ស២នាក់ស្លាប់បាត់បង់ជីវិត និង២នាក់ទៀតរងរបួសធ្ងន់ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្ត ។
មន្ត្រីប៉ូលិសចរាចរខេត្តឱ្យដឹងនៅព្រឹកថ្ងៃទី១៣ សីហា ២០១២ នេះថា កាលពីយប់ថ្ងៃខាងលើមានហេតុការណ៍គ្រោះថ្នាក់ចរាចរណ៍២លើកកើតឡើងនៅលើកំណាត់ផ្លូវជាតិលេខ៤ រវាងរថយន្តបុកគ្នាជាមួយម៉ូតូទាំងពីរករណី ។ ករណីទី១ កើតឡើងកាលពីវេលាម៉ោង៧និង១២យប់ថ្ងៃទី១២ សីហា ២០១២ នៅចំណុចខាងមុខរោងចក្រកាត់ដេរសាព្រីណា ស្ថិតក្នុងភូមិត្រពាំងឫស្សី ឃុំសំបូរ ស្រុកសំរោងទង ដែលបង្កឡើងដោយរថយន្តម៉ាក LEXUS ពណ៌ត្រីឆ្លូញ បើកបុកគ្នាជាមួយម៉ូតូមួយគ្រឿងម៉ាកស្មាស់ ពណ៌ខ្មៅ ជិះគ្នា៣នាក់ បណ្តាលឱ្យស្លាប់១ និងរបួសធ្ងន់២នាក់ ។ ចំណែកម៉ូតូ និងរថយន្តខូចខាតស្រាលត្រូវបាននគរបាលយកទៅរក្សាទុកនៅអធិការដ្ឋាននគរបាលស្រុកសំរោងទងរង់ចាំការដោះស្រាយ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ