ទឹកមុខរបស់មនុស្សអាចបញ្ជាក់ពីទឹកចិត្តរបស់ខ្លួនបាន ដូច្នេះលោកអ្នកអាចកត់សំគាល់ស្ថានភាពទឹកមុខបានយ៉ាងងាយស្រួលដូចជា៖
-ចូលចិត្តបង្ហាញទឹកមុខកំប្លុកកំប្លែង៖ បង្ហាញថា ជាមនុស្សពូកែលេងសើច សប្បាយរីករាយ និងជាមនុស្សមានសម្ព័ន្ធភាពដ៏ល្អ ។ ក្រៅពីនេះ ក៏ជាប្រភេទមនុស្សសំបូរមិត្តភក្តិ ក្លាហាន មិនខ្លាចក្រែងអ្នកណាម្នាក់រួមទាំងមានការជឿ ជាក់លើខ្លួនឯងខ្ពស់ ។
-ឆ្លុះកញ្ចក់ចូលចិត្តញញឹមដាក់ខ្លួនឯង៖ លក្ខណៈប្រភេទនេះ បង្ហាញឱ្យឃើញថា ជាមនុស្សមានទឹកចិត្តល្អប្រពៃ ចូលចិត្តជួយឧបត្ថម្ភដល់អ្នកជិតខាង ។
-បើឆ្លុះកញ្ចក់ហើយ បែរជាបង្ហាញទឹកមុខតប់ប្រមល់៖ កាយវិការនេះមានន័យថា អ្នកជាមនុស្សមានលក្ខណៈប្រាកដប្រជាក្នុងជីវិត យកចិត្តទុកដាក់លើកិច្ចការងារ មិនចូលចិត្តបណ្តែតបណ្តោយឱ្យពេលវេលាបាត់បង់ដោយឥតបានការ មានន័យថា លោកអ្នកព្យាយាមរកអ្វីៗមកអនុវត្តគ្រប់ពេល ។
-ចូលចិត្តមានក្តីរំភើបដោយខ្លួនឯង៖ មានន័យថា អ្នកជាមនុស្សមានអារម្មណ៍ជាសិល្បករខ្ពស់ ព្រោះក្រៅពីមានការគិតគូរបង្កើតនូវក្តីស្រមៃ ក៏មានអារម្មណ៍រវើរវាយមិនបានស្ថិតក្នុងផ្លូវចិត្តរបស់ខ្លួន ។ ប្រការដែលល្អ គឺអ្នកជាប្រភេទមនុស្សមានចិត្តមានះ និងព្យាយាមឆ្ពោះទៅគោលដៅដែលបានគ្រោងទុក ។
-ចូលចិត្តខ្មាសអៀន មិនហ៊ានសំលឹងមុខដាក់គ្នា៖ បង្ហាញឱ្យឃើញថា អ្នកជាមនុស្សទន់ភ្លន់ និងឧស្សាហ៍ព្យាយាម ។
-ចូលចិត្តពិនិត្យមើលលើមើលក្រោមលើខ្លួនឯងយ៉ាងប្រាកដប្រជា៖ ឥរិយាបថបែបនេះបង្ហាញថា អ្នកជាមនុស្សមានរបៀប វិន័យ ស្រលាញ់ភាពស្រស់ស្អាត ស្រលាញ់ការរីកចំរើន ជឿនលឿន រួមទាំងចង់ឱ្យខ្លួនឈានទៅដល់ចំណុចកំពូលដែលអាចធ្វើទៅបាន៕
ចែករំលែកព័តមាននេះ