ទីភ្នាក់ងារព័ត៌មានតួកគីANATOLIE រាយការណ៍ថា យន្តហោះហ្វឹកហ្វឺនយោធាមួយគ្រឿងរបស់កងទ័ពអាកាសតួកគីបានធ្លាក់កាលពីរសៀលថ្ងៃទី១២សីហាក្នុងទឹកសមុទ្រនៅម៉ាម៉ារ៉ា ភាគពាយ័ព្យតួកគីជាមួយអ្នកបើក២នាក់ ។
យន្តហោះនេះធ្លាក់នៅកន្លែងមួយចម្ងាយ៤គ.មពីទីក្រុងម៉ាម៉ារ៉ា ជាទីក្រុងមួយស្ថិតនៅចម្ងាយ៩០គ.មភាគខាងលិចក្រុងអុីស្តង់ប៊ុល ។ ប៉ូលិសនិងកងឆ្មាំឆ្នេរសមុទ្របានបញ្ជូនក្រុមអ្នកជួយសង្គ្រោះទៅកាន់កន្លែងយន្តហោះធ្លាក់ដើម្បីរុករកនិងជួយសង្គ្រោះអ្នកបើកទាំង២នាក់ ។ យន្តហោះនេះបានហោះចាកចេញពីព្រលានយន្តហោះ HEZARFEN ក្រុងអុីស្តង់ប៊ុល ហើយបើកឆ្ពោះទៅកាន់ទីក្រុងអេដរឺមីត ភាគខាងលិចប្រទេស ៕
ចែករំលែកព័តមាននេះ