ខេត្តព្រះសីហនុ ៖ បុរសម្នាក់បានរងរបួសធ្ងន់ដោយសារគ្រោះថ្នាក់ចរាចរណ៍មួយកើត ឡើងរវាងរថយន្តនិងម៉ូតូដែលកំពុងបើកបរក្នុងទិសដៅស្រប គ្នា កាលពីវេលាម៉ោង១១និង៣០នាទីព្រឹក ថ្ងៃទី១១ សីហា តាមបណ្តោយផ្លូវជាតិលេខ៤ ត្រង់ចន្លោះគីឡូម៉ែត្រលេខ១៨៨ -១៨៩ ស្ថិតក្នុងភូមិព្រៃនប់១ ឃុំព្រៃនប់ ស្រុកព្រៃនប់ ។
មន្ត្រី ប៉ូលិសចរាចរស្រុកព្រៃនប់បានឱ្យដឹងថា គ្រោះថ្នាក់ចរាចរណ៍នេះបានកើតឡើងរវាងរថយន្តមួយគ្រឿង ម៉ាកកាមរីបាឡែន ពណ៌ទឹកប្រាក់ មានទិសដៅពីភ្នំពេញទៅខេត្តព្រះសីហនុ មានមនុស្សជិះចំនួន៤នាក់ (ស្រី២នាក់ ប្រុស២នាក់) បើកបរដោយឈ្មោះ ឈួន រិទ្ធី ភេទប្រុស អាយុ២១ឆ្នាំ មានទៅលំនៅរាជធានីភ្នំពេញ ពេលមកដល់ចំណុចកើតហេតុបានបុកម៉ូតូមួយគ្រឿងម៉ាកវ៉េវ ពណ៌ខៀវគ្មានស្លាកលេខ បើកក្នុងទិសដៅស្របគ្នា បើកបរដោយឈ្មោះ ហេង ដារ៉ា ភេទប្រុស អាយុ២៧ឆ្នាំ មានទីលំនៅភូមិព្រៃនប់បី ឃុំព្រៃនប់ ស្រុកព្រៃនប់ ខេត្តព្រះសីហនុ បណ្តាលឱ្យបុរសអ្នកបើកម៉ូតូរងរបួសបែកក្បាលផ្នែកខាង ក្រោយ ។
ប៉ូលិសបានបន្ថែមទៀតថា មុនកើតហេតុរថយន្តបាឡែននោះបានបើកក្នុងល្បឿនលឿនគួរ សមលុះមកដល់ចំណុចកើតហេតុក៏បានបុកម៉ូតូដែលកំពុងបើក នៅខាងមុខនោះ ធ្វើឱ្យម៉ូតូនោះដួលធ្លាក់ទៅចិញ្ចើមផ្លូវខាងស្តាំដៃ ចំណែករថយន្តបានជ្រុលចង្កូតធ្លាក់ទៅត្រាំទឹកក្បែរ ចិញ្ចើមផ្លូវជាតិ តែសំណាងល្អអ្នកជិះក្នុងរថយន្តទាំង៤នាក់ពុំរងរបួស គឺរបួសតែអ្នកបើកម៉ូតូម្នាក់ប៉ុណ្ណោះ ហើយត្រូវបានគេដឹកយកទៅសង្គ្រោះភ្លាមផងដែរ ។
ទាក់ទិននឹងគ្រោះថ្នាក់នេះ សមត្ថកិច្ចនៅពុំទាន់កំណត់ថា ភាគីណាជាអ្នកបង្កនោះទេ ។ តែដោយមានការចរចាគ្នាអស់ជាច្រើនម៉ោងទើបភាគី ទាំងពីរបានឯកភាពគ្នាដោយភាគីខាងរថយន្តព្រមសងទៅ ម្ចាស់ម៉ូតូចំនួន២០ម៉ឺនរៀល ៕
ចែករំលែកព័តមាននេះ