ខេត្តក្រចេះ ៖ គ្រាប់កាំភ្លើងសេសសល់តាំងពីសម័យសង្គ្រាម១គ្រាប់បានផ្ទុះលាន់ឮយ៉ាងកក្រើកចេញពីភ្នក់ភ្លើងមួយកន្លែងត្រង់ចំណុចវាលចម្ការដំឡូងមី កាលពីវេលាម៉ោង១រសៀលថ្ងៃទី១២ សីហា ២០១២ ស្ថិតក្នុងភូមិកាបី ឃុំ២ធ្នូ ស្រុកស្នួល ខេត្តក្រចេះ បណ្តាលឱ្យអ្នកចម្ការ៤នាក់រងរបួសធ្ងន់ និងស្រាលត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យជាបន្ទាន់ ។
ប្រភពពីបុរសឈ្មោះនាង វន់ អាយុ៤២ឆ្នាំ មានស្រុកកំណើតនៅភូមិស្លែង ឃុំជីគរ ស្រុកត្បូងឃ្មុំ ប្រាប់ឱ្យដឹងថា អ្នករងរបួសទាំង៤នាក់ នោះមាន ១-ឈ្មោះវន់ វ៉ាន់ណិត ភេទប្រុស អាយុ១៤ឆ្នាំ ជាកូន ២-ឈ្មោះស្រី សុភ័ក្រ ភេទប្រុស អាយុ២៨ឆ្នាំ ៣-ឈ្មោះកន ដា ភេទប្រុស អាយុ៣៣ឆ្នាំ និង៤-ឈ្មោះរី ភេទប្រុស អាយុប្រហែល៤២ឆ្នាំ រស់នៅស្រុកត្បូងឃ្មុំ ។
ប្រភពប្រាប់បន្តថា រូបគាត់បានចាកចេញពីស្រុកកំណើតទៅធ្វើចម្ការនៅស្រុកស្នួល រយៈពេល៤ឆ្នាំមកហើយ។ ជាក់ស្តែងនារសៀលថ្ងៃខាងលើកូនប្រុសរួមនឹងមនុស្ស៣នាក់ទៀតបាននាំគ្នាជម្រះស្មៅចម្ការ ហើយប្រមូលយកមកដុតនៅត្រង់គល់ឈើស្រឡៅ ស្រាប់តែគ្រាប់កាំភ្លើង១គ្រាប់កប់ក្នុងដី ពេលត្រូវកម្តៅភ្លើងបានផ្ទុះលាន់កក្រើកជាហេតុធ្វើឱ្យរងរបួសធ្ងន់-ស្រាលបែបនេះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ