លេខាធិការប្រតិបត្តិអចិន្ត្រៃយ៍របស់ក្រុមប្រឹក្សាជាតិតស៊ូប្រឆាំងជំងឺអេដស៍លោកស្រី MARIE FRANEKE PURUEHNCE ថ្លែងកាលពីថ្ងៃទី១០ សីហា កន្លងមកនេះនៅក្រុងប្រាហ្សាវីល ថា នៅអាហ្វ្រិកចំនួនមនុស្សស្លាប់ទាក់ទិននឹងជំងឺអេដស៍មានការចុះថយច្រើន រយៈពេល១០ឆ្នាំចុងក្រោយនេះ ដោយធ្លាក់ពី១,៨ លាននាក់មានត្រឹម១,២លាននាក់ក្នុងមួយឆ្នាំ ។
លោកស្រី PURUEHNCE ប្រកាសបែបនេះក្នុងឱកាសនៃសន្និសីទសារព័ត៌មានមួយក្រោយការងារនៃសន្និសីទអន្តរជាតិស្តីពីជំងឺអេដស៍នៅក្រុងវ៉ាស៊ីនតោន ពីថ្ងៃទី២២ដល់២៧កក្កដា កន្លងមកនេះ ដោយក្នុងឱកាសនោះប្រទេសកុងហ្គោចូលរួមដោយគណៈប្រតិភូមួយមានសមាជិក១៧នាក់ ។
យោងតាមប្រធានក្រុមប្រឹក្សាជាតិតស៊ូប្រឆាំងជំងឺអេដស៍កុងហ្គោនោះថា ការសិក្សាជាច្រើនធ្វើនៅទ្វីបអាហ្វ្រិកដែលលទ្ធផលត្រូវបានចេញផ្សាយក្នុងឱកាសនៃសន្និសីទនោះថាការចុះថយនៃចំនួនអ្នកស្លាប់ទាក់ទិននឹងជំងឺអេដស៍គឺមកពីការកែលម្អការផ្តល់ដល់អ្នកជំងឺនូវថ្នាំពន្យារអាយុដែលចំនួនអ្នកទទួលបានសេវាព្យាបាលនោះឡើងពី៥០.០០០នាក់ដល់៦,២លាននាក់ នៅអាហ្វ្រិករយៈពេល១០ឆ្នាំចុងក្រោយនេះ ។ តែលោកស្រីយល់ថា តួលេខនេះនៅមិនទាន់គ្រប់គ្រាន់ដោយត្រូវឱ្យមានការខិតខំប្រឹងប្រែងចាំបាច់បន្ថែមទៀតដើម្បីធ្វើឱ្យចំនួនអ្នកទទួលបានថ្នាំព្យាបាលពន្យារអាយុឡើងដល់១៥លាននាក់លើពិភពលោករហូតដល់ឆ្នាំ២០១៥ ៕
ចែករំលែកព័តមាននេះ