រាជធានីភ្នំពេញ ៖ ធនាគារស៊ីអាយអិមប៊ី ភីអិលស៊ី មានសេចក្ដីសោមនស្សរីករាយ បានធ្វើការចាប់រង្វាន់លើកទីមួយប្រចាំខែកក្កដាសម្រាប់គណនីGold Deposit នូវរង្វាន់មាសចំនួន៨.៨ជី ជូនដល់អតិថិជនដែលបានបើកគណនី Gold Deposit ។ ការចាប់រង្វាន់នេះបានប្រព្រឹត្ដនៅធនាគារស៊ីអាយអិមប៊ី សាខានរោត្ដមខាងជើង ដោយមានលោកស្រី ហេង ធីដា នាយកផ្នែកហិរញ្ញវត្ថុបុគ្គល ជាអ្នកធ្វើការចាប់រង្វាន់ជូនដល់អតិថិជន ។ ការចាប់រង្វាន់លើកទី២និងទី៣ នឹងប្រព្រឹត្តទៅនៅចុងខែសីហា និង ខែកញ្ញា ។
ធនាគារស៊ីអាយអិមប៊ី ភីអិលស៊ី បានបង្កើតឡើងនៅក្នុងប្រទេសកម្ពុជា ដែលជាផ្នែកមួយនៃ ស៊ីអាយអិមប៊ី ហ្គ្រូប ។ ធនាគារស៊ីអាយអិមប៊ី ភីអិលស៊ី ផ្ដល់ជូននូវសេវាកម្ម និងផលិតផលជាច្រើនពីធនាគារហិរញ្ញវត្ថុពាណិជ្ជកម្ម និងធនាគារបម្រើការប្រើប្រាស់សម្រាប់អាជីវករ និង បុគ្គលទាំងឡាយដែលជាជនជាតិខ្មែរ ក៏ដូចជាជនបរទេស ។
ស៊ីអាយអិមប៊ី ហ្គ្រូប គឺជាស្ថាប័នសេវាកម្មហិរញ្ញវត្ថុដ៏ធំទី២នៅប្រទេសម៉ាឡេស៊ី និងជាធនាគារសាកលនាំមុខគេមួយក្នុងតំបន់អាស៊ាន ។ ធនាគារសាកលនេះបាននិងកំពុងផ្ដល់នូវសេវាកម្មប្រតិបត្ដិការធនាគារបម្រើការប្រើប្រាស់ធនាគារវិនិយោគ ធនាគារអីុស្លាមិក គ្រប់គ្រងទ្រព្យសកម្ម ផលិតផលធានារ៉ាប់រង និងសេវាកម្មផ្សេងៗទៀត ។ ស៊ីអាយអិមប៊ី ហ្គ្រូប មានទីស្នាក់ការធំនៅទីក្រុងគូឡាឡាំពួ ហើយបច្ចុប្បន្ននេះមានសាខាធំៗចំនួន៩ នៅ ក្នុងប្រទេសទាំង១០ក្នុងតំបន់អាស៊ាន ។ ក្រៅពីតំបន់អាស៊ាន ស៊ីអាយអិមប៊ី ហ្គ្រូប មានការិយាល័យនៅប្រទេសចិន ហុងកុង បារ៉ែន ឥណ្ឌា ស្រីលង្កា សហរដ្ឋអាមេរិក និងចក្រភពអង់គ្លេស ។
ស៊ីអាយអិមប៊ី ហ្គ្រូប មានបណ្ដាញសាខាជាច្រើននៅក្នុងតំបន់អាស៊ាន ជាមួយសាខាជាង ១.១១៣ និងបុគ្គលិកសរុបជាង៤៣.០០០នាក់គិតត្រឹមថ្ងៃទី៣០ ខែមិថុនា ឆ្នាំ២០១២ ៕
ចែករំលែកព័តមាននេះ