ខេត្តប៉ៃលិន ៖ ក្រោមបញ្ជារបស់់លោកជុំ សែនសទ្ធា ព្រះរាជអាជ្ញាអមសាលាដំបូងខេត្ត ព្រះរាជអាជ្ញារងអមសាលាដំបូងខេត្តប៉ៃលិន លោកសេង ផានិត បានដឹកនាំសមត្ថកិច្ចឃាត់ខ្លួនបុរសម្នាក់ដែលជាប់ពាក់ព័ន្ធនឹងករណីជួញដូរនិងចែកចាយថ្នាំញៀន ។ ក្រោយពេលឃាត់ខ្លួនសមត្ថកិច្ចដកហូតបានថ្នាំញៀនប្រភេទយ៉ាម៉ាចំនួន២២គ្រាប់ និងប្រដាប់ពិសោធន៍ថ្នាំនៅក្នុងថង់មួយចំនួនទៀត ។ ការឃាត់ខ្លួននេះបានធ្វើឡើងកាលពីវេលាម៉ោង៥និង២០នាទីល្ងាចថ្ងៃទី៨ សីហា នៅចំណុចផ្សារថ្មី ស្ថិតក្នុងភូមិអូរច្រាកើត សង្កាត់ទួលល្វា ក្រុងប៉ៃលិន ។
លោកឈន សារ៉ាយ នាយរងការិយាល័យប្រឆាំងការជួញដូរនិងចែកចាយគ្រឿងញៀននៃស្នងការដ្ឋាននគរបាលខេត្តមានប្រសាសន៍ថា ជនសង្ស័យដែលសមត្ថកិច្ចចាប់ឃាត់ខ្លួននេះឈ្មោះឡុង សាមិត អាយុ៤០ឆ្នាំ ជនជាតិខ្មែរអ៊ិស្លាម មានទីលំនៅបច្ចុប្បន្នក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។ ប្រភពព័ត៌មានបន្តថា ដោយមានការតាមដានអស់រយៈពេលជាច្រើនថ្ងៃខែមកហើយ ទើបដឹងពីទីតាំងពិតប្រាកដរបស់ជនសង្ស័យ និងឃើញជនសង្ស័យរូបនេះ កំពុងយកគ្រឿងញៀនទៅចែកចាយក៏ឃាត់ខ្លួនជាក់ស្តែងតែម្តង ៕
ចែករំលែកព័តមាននេះ