ខេត្តកណ្តាល ៖ បុរសម្នាក់បែកក្បាលស្លាប់ភ្លាមៗនៅនឹងកន្លែង និងម្នាក់ទៀតរងរបួសធ្ងន់ ដោយសារតែបើកម៉ូតូទៅធ្លាក់ចូលប្រហោងស្ពាន បណ្តាលឱ្យដួលបោក កាលពីវេលាម៉ោង៧និង៣០នាទីយប់ថ្ងៃទី១១ សីហា ២០១២ នៅចំណុចស្ពានថ្មលេខ៣ លើកំណាត់ផ្លូវជាតិលេខ២១B ស្ថិតក្នុងភូមិកោះគរ ឃុំរកាខ្ពស់ ស្រុកស្អាង ។
ប៉ូលិសចរាចរស្រុកស្អាងឱ្យដឹងថា ជនរងគ្រោះដែលស្លាប់បាត់បង់ជីវិតឈ្មោះឆែម ពៅ ភេទប្រុស អាយុ៣៩ឆ្នាំ ជាកសិករ ។ ចំណែកម្នាក់ទៀតដែលរងរបួសធ្ងន់ឈ្មោះគឹម ស៊ ភេទប្រុស អាយុ៣០ឆ្នាំ ត្រូវបានបញ្ជូនទៅសង្គ្រោះបន្ទាប់នៅមន្ទីរពេទ្យរាជធានីភ្នំពេញ ។ អ្នកទាំង២មានទីលំនៅភូមិចុងកោះគរ ឃុំស្វាយប្រទាល ស្រុកស្អាង ជិះម៉ូតូម៉ាកគុបជ្រុង C90 ពណ៌ទឹកប៊ិច ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ