កំណើនសេដ្ឋកិច្ចប្រចាំត្រីមាសរបស់ឥណ្ឌូណេស៊ីខ្ពស់ជាងការរំពឹងទុកនៅក្នុងត្រីមាសទី២ឆ្នាំនេះ កំណើនសេដ្ឋកិច្ចរបស់ឥណ្ឌូណេស៊ីខ្ពស់ជាងការរំពឹងទុក ដោយសារមានតម្រូវការក្នុងស្រុកខ្លាំង និងឥណទានងាយស្រួលដែលជាសញ្ញាមួយបញ្ជាក់ថា សេដ្ឋកិច្ចប្រទេសនៅអាស៊ីអាគ្នេយ៍មួយនេះមានភាពរឹងមាំនៅឡើយ។ ក្រុមសេដ្ឋវិទូក្រើនរំលឹកដល់អ្នករៀបចំគោលនយោបាយថា ត្រូវពិចារណារឹតបន្តឹងគោលនយោបាយបន្ថែមនាពេលនេះ ដើម្បីបង្ការកុំឱ្យសេដ្ឋកិច្ចធ្លាក់ចុះ ខណៈដែលកំណើនការនាំចូលអាចបង្កឱ្យមានឱនភាពពាណិជ្ជកម្ម ។
លោក Aninda Mitra សេដ្ឋវិទូប្រចាំធនាគារ ANZ នៅប្រទេសសិង្ហបុរី បាននិយាយថា កំណើនដ៏ខ្លាំងនៅក្នុងត្រីមាសទី២នេះបានផ្តល់នូវការការពារមួយទល់នឹងហានិភ័យពេញរយៈពេល១ឆ្នាំ ។ ការិយាល័យស្ថិតិរបស់ឥណ្ឌូណេស៊ី បាននិយាយថា ផលិតផលក្នុងស្រុកសរុបនៅក្នុងត្រីមាសចុងក្រោយមានចំនួន៦,៤ភាគរយចាប់ពីដើមឆ្នាំមក ។ ទោះបីជាយ៉ាងណាក៏ដោយ ក្រុមសេដ្ឋវិទូជាច្រើនបានសន្និដ្ឋានថា ធនាគារឥណ្ឌូណេស៊ីនឹងរក្សាអត្រាក្នុងកម្រិតមួយទាបគឺ៥,៧៥ភាគរយពេញ១ឆ្នាំ ៕
ចែករំលែកព័តមាននេះ