រាជធានីភ្នំពេញ ៖ ក្រុមហ៊ុនស៊ុនស៊ីម៉ិចកូ ដែលជាក្រុមហ៊ុននាំចូលគ្រឿងអេឡិចត្រូនិកដ៏ធំនៅកម្ពុជា បានប្រកាសបើកជាផ្លូវការនូវសាខាធំថ្មីមួយទៀត របស់ខ្លួនក្នុងរាជធានីភ្នំពេញ នៃព្រះរាជាណាចក្រកម្ពុជា ដោយមានការគាំទ្រពីក្រុមហ៊ុនអេឡិចត្រូនិក Samsung ដែលឈានមុខគេលើផ្នែកបច្ចេកវិជ្ជា និងគ្រឿងប្រើប្រាស់ឌីជីថល ក្រោមអធិបតីភាពលោកចម ប្រសិទ្ធ ទេសរដ្ឋ មន្ត្រី រដ្ឋមន្ត្រីក្រសួងពាណិជ្ជកម្ម កញ្ញា សុគន្ធ និសា (ឯកអគ្គរដ្ឋទូតប្រចាំក្រុមហ៊ុន Samsung)អ្នកចែកចាយ និងសមាជិកនៃអ្នកសារព័ត៌មានជាច្រើនរូបទៀត ។
ក្រុមហ៊ុនស៊ុនស៊ីម៉ិចកូ ជាដៃគូដ៏ជិតស្និទ្ធជាមួយក្រុមហ៊ុន Samsung ជាច្រើនឆ្នាំមកហើយ ក្នុងការនាំចូលនូវផលិតផលអេឡិចត្រូនិកថ្មីៗពី Samsung មកកាន់ប្រទេសកម្ពុជា។ ទន្ទឹមនឹងភាពជោគជ័យរបស់ក្រុមហ៊ុន Samsung នៅលើឆាកអន្តរជាតិ ក្រុមហ៊ុនស៊ុនស៊ីម៉ិចកូ ក៏ទទួលបានជោគជ័យយ៉ាងខ្លាំង រហូតដល់ពង្រីកសាខាជាច្រើនក្នុងព្រះរាជាណាចក្រកម្ពុជា និងបានជំរុញដល់ការលក់របស់ Samsung កាន់តែខ្លាំងថែមទៀត ។ ជាមួយសាខាថ្មីនេះ ក្រុមហ៊ុនស៊ុនស៊ីម៉ិចកូក៏មានសាខាចំនួន១០ទៀត នៅទូទាំងប្រទេស រួមទាំងរាជធានីភ្នំពេញ ខេត្តសៀមរាប ខេត្តបាត់ដំបង និងខេត្តព្រះសីហនុ ។
លោក Gwihan Lee អគ្គនាយកក្រុមហ៊ុន Thai Samsung Electronics Co.,Ltd នៃតំបន់ឥណ្ឌូចិនបានមានប្រសាសន៍ថា «សម្រាប់ក្រុមហ៊ុន Samsung យើងតែងតែយកចិត្តទុកដាក់ចំពោះដៃគូពាណិជ្ជកម្មរបស់យើងជានិច្ច ព្រោះថាភាពជោគជ័យរបស់ពួកគេក៏ដូចជាភាពជោគជ័យរបស់យើងផងដែរ ។ ដូច្នេះហើយ យើងបន្តរួមសហការជាដៃគូដើម្បី សម្រេចបាននូវជោគជ័យថ្មីៗបន្ថែមទៀត» ។
ការបញ្ជាក់ពីភាពពេញនិយមរបស់ផលិតផល Samsung តាមរយៈតារាចម្រៀង កញ្ញា សុគន្ធ និសា ដែលបានជ្រើសរើសផលិតផលបច្ចេកវិជ្ជាចុងក្រោយ Samsung ប្រើប្រាស់ក្នុងគេហដ្ឋានរបស់នាងដូចជា ទូរទស្សន៍ Smart TV និងម៉ាស៊ីនត្រជាក់ Samsung ប្រភេទ Bora caySplit ស៊េរីថ្មីបំផុត រចនាឡើងយ៉ាងស្រស់ស្អាតពេញដោយភាពច្នៃប្រឌិត និងផ្តល់នូវបច្ចេកវិជ្ជាត្រជាក់ដ៏ល្អឥតខ្ចោះ និងទូរស័ព្ទGalaxy SIII ជាទូរស័ព្ទ Smart Phone ល្អបំផុតប្រចាំឆ្នាំ ។
នៅក្នុងបទសម្ភាសន៍ កញ្ញា សុគន្ធ និសា បាននិយាយថា «បន្ទាប់ពីនាងខ្ញុំជ្រើសរើសប្រើផលិតផលទាំង២ប្រភេទនេះពីក្រុម ហ៊ុន Samsung គឺពិតជាមានគុណភាព ងាយស្រួលប្រើសន្សំសំចៃខ្ពស់ និងធ្វើឱ្យគេហដ្ឋាននាងខ្ញុំកាន់តែស្រស់ស្អាត និងមានផាសុកភាព ៕
ចែករំលែកព័តមាននេះ