ប្រធានាធិបតីកូរ៉េខាងត្បូងលោកលីម្យុងបាក់ នាពេលនេះមានគម្រោងទៅកាន់ប្រជុំកោះ DOKDO ស្ថិតនៅចុងខាងកើតប្រទេស ។ ប្រសិនបើទស្សនកិច្ចជាប្រវត្តិសាស្ត្រនេះពិតជាត្រូវធ្វើច្បាស់ណាស់វានឹងអាចធ្វើឱ្យភាពតានតឹងខាងការទូតកើនឡើងខ្លាំងជាមួយជប៉ុន ។
មន្ត្រីជាន់ខ្ពស់កូរ៉េខាងត្បូងមួយរូបឱ្យដឹងថា លោកលីនឹងអាចទៅកាន់ប្រជុំកោះ DOKDO នោះស្ថិតនៅសមុទ្រខាងកើតចន្លោះឧបទ្វីបកូរ៉េ និងជប៉ុន ប្រសិនបើពេលវេលាអនុគ្រោះបន្ទាប់ពីទស្សនកិច្ចមួយនៅកោះ ULEUNG ស្ថិតក្នុងឆ្នេរសមុទ្រ DOKDO។
ប្រសិនបើមានទស្សនកិច្ចនេះប្រាកដមែននោះលោកលីនឹងក្លាយជាប្រធានាធិបតីកូរ៉េខាងត្បូងដំបូងគេទៅកាន់ប្រជុំកោះមានជម្លោះនេះ ។ ទស្សនកិច្ចនោះអាចធ្វើឱ្យមានភាពតានតឹងក្នុងទំនាក់ទំនងរវាងក្រុងសេអ៊ូលនិងក្រុងតូក្យូ ។ ប្រទេសជប៉ុនទាមទារចាប់តាំងពីយូរមកហើយនូវអធិបតេយ្យភាពលើប្រជុំកោះ DOKDO នោះ ។
ម៉ាស៊ីនឃោសនាជប៉ុនរាយការណ៍ថា ក្រុងតូក្យូបានដាក់ពាក្យតវ៉ាប្រឆាំងទស្សនកិច្ចនោះដែលគ្រោងធ្វើដោយលោកលីដោយនិយាយថាទស្សនកិច្ចនេះនឹងធ្វើឱ្យធ្ងន់ធ្ងរដល់ទំនាក់ទំនងរវាងប្រទេសទាំង២។រដ្ឋមន្ត្រីការបរទេសជប៉ុនលោកកូអុីជីរ៉ូហ្សេមបា បានស្នើកាលពីថ្ងៃទី១០ សីហា ដល់ប្រធានាធិបតីកូរ៉េខាងត្បូងឱ្យលុបចោលទស្សនកិច្ចនេះដោយលោកមានប្រសាសន៍វានឹងធ្វើឱ្យចុះខ្សោយដល់ទំនាក់ទំនងទ្វេភាគី ។
លោកហ្សេមបា ថ្លែងនៅមុខសារព័ត៌មានថា ទស្សនកិច្ចនេះពិតណាស់នឹងនាំឱ្យមានផលប៉ះពាល់ធំមួយដល់ទំនាក់ទំនងរវាងប្រទេសទាំង២ ដែលតានតឹងស្រាប់ដោយសារជម្លោះលើប្រជុំកោះនោះដែលជប៉ុនហៅប្រជុំកោះតាកាស៊ីម៉ា ហើយកូរ៉េខាងត្បូងហៅប្រជុំកោះ DOKDO ៕
ចែករំលែកព័តមាននេះ