ប្រមុខអ្នកចរចាចិនដីគោកនិងកោះតៃវ៉ាន់បានចុះហត្ថលេខាកាលពីថ្ងៃទី៩សីហាលើកិច្ចព្រមព្រៀងមួយស្តីពីកិច្ចការពារនិងជំរុញវិនិយោគនិងកិច្ចព្រមព្រៀងមួយទៀតផ្តោតលើកិច្ចសហប្រតិបត្តិការខាងគយ ។កិច្ចព្រមព្រៀងទាំង២នោះត្រូវបានចុះហត្ថលេខាដោយលោកចេនយុនលីន ប្រធានសមាគមទទួលបន្ទុកទំនាក់ទំនងរវាងផ្នែកទាំង២ នៃច្រកសមុទ្រតៃវ៉ាន់ARATS មានទីតាំងនៅចិនដីគោកនិងលោកចាងពីនគុង ប្រធានមូលនិធិនៃការផ្លាស់ប្តូរគ្នារវាងច្រកសមុទ្រតៃវ៉ាន់ SEF មានមូលដ្ឋាននៅតៃវ៉ាន់ក្នុងឱកាសនៃការចរចាគ្នាលើកទី៨ដែលការចរចានោះរៀបចំធ្វើចាប់តាំងពីឆ្នាំ២០០៨មក ។
ក្នុងក្របខណ្ឌនៃកិច្ចព្រមព្រៀងស្តីពីកិច្ចការពារនិងជំរុញវិនិយោគផ្នែកទាំង២នៃច្រកសមុទ្រតៃវ៉ាន់បានសន្យាអនុវត្តដោយត្រឹមត្រូវនិងស្មើភាពចំពោះវិនិយោគនិងបណ្តាគម្រោងវិនិយោគទាំងសងខាងហើយផ្តល់កិច្ចការពារ និងសន្តិសុខពេញលេញ ។ ចិនដីគោកនិងកោះតៃវ៉ាន់ក៏ព្រមព្រៀងគ្នាលុបចោលជាបន្តបន្ទាប់នូវបណ្តាការរិតត្បិតលើគម្រោងវិនិយោគទាំងឡាយ បង្កើនបរិយាកាសត្រឹមត្រូវមួយហើយជំរុញការវិនិយោគក្នុងផ្នែកទាំង២ ។ គេក៏បានព្រមព្រៀងគ្នាដែរលើការបង្កើតយន្តការមួយដើម្បីដោះស្រាយបណ្តាទំនាស់ ៕
ចែករំលែកព័តមាននេះ