ការប្រកួតបាល់ទាត់អង់គ្លេសដណ្តើមពានរង្វាន់ Community Shield រវាងក្រុមជើងឯក FA Cup និងក្រុមជើងឯកប្រឺមីញេលីកសម្រាប់រាត្រីថ្ងៃអាទិត្យនេះមាន 1 ប្រកួត ។ ក្រុមអ្នកមានថ្មី Man City ប្រាថ្នាចង់លើកពានរង្វាន់នេះសាជាថ្មីបន្ទាប់ពីខកខានអស់រយៈពេល 4 ទសវត្ស ។ ការប្រកួតនេះធ្វើឡើងនៅក្នុងពហុកីឡដ្ឋាន Villa Park ក្រុង Birmingham ។
Chelsea V Man City
Chelsea ម្ចាស់ជើងឯក FA Cup ក្រោយពីយកឈ្នះ Liverpool ដោយលទ្ធផល 2-1 ។ ក្រុម Chelsea ធ្លាប់ជាប់ជើងឯក Community Shield ចំនួន 4 លើក គឺក្នុងឆ្នាំ 1955,2000,2005 និង 2009 ។ ក្រៅពីជើងឯក FA Cup ក្រុម Chelsea គឺជាក្រុមការពារជើងឯកយូហ្វាឆេនពានលីកផងដែរ ។ លទ្ធផល 5 ប្រកួតចុងក្រោយគឺ 1-2-2 ។ 3 ប្រកួតចុងក្រោយគឺលេងស្មើ Paris SG 1-1 ក្រៅផ្ទះ ចាញ់ Milan 1-0 ក្នុងផ្ទះ និងចាញ់ Brighton 3-1 ក្រៅផ្ទះ ។
Man City ម្ចាស់ជើងឯកប្រឺមីញេលីកបន្ទាប់ពីយកឈ្នះ Man Utd ដោយគ្រាប់បាល់ 8 គ្រាប់ តែពិន្ទុ 89 ស្មើគ្នា ។ ក្រុមនេះធ្លាប់ជាប់ពានរង្វាន់ Community Shield ចំនួន 3 លើក តាំងពីឆ្នាំ1937, 1968 និង 1972 ។ ជំនួបគ្នា 2 ប្រកួតរដូវកាលចាស់ Man City ចាញ់ Chelsea 2-1 ក្រៅផ្ទះ តែឈ្នះ 2-1 វិញក្នុងផ្ទះ ។ លទ្ធផល 5 ប្រកួតចុងក្រោយគឺ 4-0-1 ។ 3 ប្រកួតចុងក្រោយគឺលេងចាញ់ Oldham 2-1 ឈ្នះ Wolfsburg 2-0 និងឈ្នះ Limerick 4-0 ក្រៅផ្ទះទាំងបីប្រកួត ។ ប្រវត្តិជួបគ្នា 10 ប្រកួត Chelsea ឈ្នះ 6 Man City ឈ្នះ 4 ។
ជួបគ្នា 4 ប្រកួតចុងក្រោយគឺ៖
09-10 Man City 1-0 Chelsea
03-11 Chelsea 2-0 Man City
12-11 Chelsea 2-1 Man City
03-12 Man City 2-1 Chelsea
ចែករំលែកព័តមាននេះ