ADផ្ទាំងផ្សព្វផ្សាយពាណិជ្ជកម្ម

ស្នងការដ្ឋាននគរបាលខេត្តធ្វើពិធីប្រកាសផ្ទេរភារកិច្ចតែងតាំងមុខតំណែង និងបំពាក់ឋានន្តរស័ក្តិដល់មន្ត្រីនគរបាល

13 ឆ្នាំ មុន

១០ ខែ សីហា ឆ្នាំ ២០១២ ម៉ោង ០៣:២១

ខេត្តស្វាយរៀង ៖នាព្រឹកថ្ងៃទី១០ សីហា ២០១២ នៅសាលប្រជុំនៃស្នងការដា្ឋននគរបាលខេត្ដ មានរៀបចំពិធីផ្ទេរភារកិច្ច និងបំពាក់ឋានន្តរស័ក្តិដល់មន្ត្រីនគរបាលក្រោមអធិបតីភាពលោកឧត្ដមសេនីយ៍ត្រី ប្រាជ្ញ រឹម ស្នងការនគរបាលខេត្ដនិងជាតំណាងដ៏ខ្ពង់ខ្ពស់របស់អគ្គស្នងការនគរបាលជាតិ និងមានការអញ្ជើញចូលរួមពីសំណាក់លោក-លោកស្រីស្នងការរងនគរបាលខេត្ដ ប្រធានការិយាល័យអធិការគ្រប់ស្រុក និងមន្ដ្រីនគរបាលខេត្ដប្រមាណជាង១០០នាក់ផងដែរ។

មន្ដ្រីនគរបាលខេត្ដដែលត្រូវផ្ទេរភារកិច្ចមានចំនួន២០រូបឱ្យចូលកាន់តួនាទីថ្មី និងបំពាក់ឋានន្ដរសក្ដិដល់មន្ដ្រីនគរបាលចំនួន១១៦នាក់ក្នុងនោះថា្នក់អនុសេនីយ៍ឯកចំនួន១៧នាក់ អនុសេនីយ៍ទោ១៧នាក់ អនុសេនីយ៍ត្រី១៥នាក់ ថា្នក់ព្រិនបាលឯកចំនួន៣៧នាក់ ព្រិនបាលទោ២១នាក់ ពលបាលឯក៧នាក់ និងពលបាលទោ២នាក់។ ថ្លែងក្នុងឱកាសនោះលោកឧត្ដមសេនីយ៍ត្រី ប្រាជ្ញ រឹម បានលើកឡើងពីសភាពការណ៍នយោបាយរបស់ប្រទេសកម្ពុជា ពិសេសគឺប្រសាសន៍របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ឆ្លើយបំភ្លឺដល់ជនរួមជាតិទាំងអស់កាលពីព្រឹកថ្ងៃទី៩ សីហា នៅក្នុងអង្គប្រជុំសភាជាតិទៅនឹងពាក្យចោទប្រកាន់របស់គណបក្សប្រឆាំងដែលលើកឡើងថា កម្ពុជាកំពុងបាត់បង់ទឹកដីទៅលើប្រទេសវៀតណាមនោះ សម្ដេចបានបកស្រាយច្បាស់ណាស់គឺកម្ពុជា មិនបានបាត់បង់ទឹកដីនោះទេ។