រាជធានីភ្នំពេញ ៖ ព្រឹកថ្ងៃទី៩ សីហា ២០១២ នេះ Samsung បានរួមចំណែកផ្តល់កញ្ចប់ថវិកាជំនួយដល់ពិធីប្រកាសដាក់ឱ្យដំណើរការជាផ្លូវការនូវគម្រោង «ការបង្កើតឱកាសការងារ និងគ្រប់គ្រងសំណល់អេឡិចត្រូនិក ប្រកបដោយប្រសិទ្ធភាពក្នុងប្រទេសកម្ពុជា» ដែលបានរៀបចំឡើងនៅសណ្ឋាគារភ្នំពេញ និងប្រព្រឹត្តទៅយ៉ាងរលូនប្រកបដោយជោគជ័យ ក្រោមអធិបតីភាពដ៏ខ្ពង់ខ្ពស់របស់លោកខៀវ មុត រដ្ឋលេខាធិការក្រសួងបរិស្ថាន និងលោកពេជ សោភ័ណ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ ព្រមទាំងតំណាងក្រុមហ៊ុន Samsung លោកយុងស៊ូ គីម អនុប្រធានផ្នែកបម្រើសេវាអតិថិជនរបស់ក្រុមហ៊ុន Samsung អេឡិចត្រូនិកប្រចាំតំបន់អាស៊ីអាគ្នេយ៍, តំណាងម្ចាស់គម្រោងអង្គការសហប្រជាជាតិ ដើម្បីអភិវឌ្ឍន៍កសិកម្មហៅ កាត់ថា UNIDO, តំណាងភ្នាក់ងារសហប្រតិបត្តិការអន្តរជាតិ KOICA និងបុគ្គលពាក់ព័ន្ធជាច្រើនទៀត។
ឆ្លៀតក្នុងឱកាសបើកសម្ពោធគម្រោង ក្រោមជំនួយរបស់ UNIDO លោកយុងស៊ូ គីម បានមានប្រសាសន៍ថា ក្នុងនាមជាតំណាងរបស់ Samsung Electronics ខ្ញុំមានសេចក្តីសោមនស្សរីករាយជាទីបំផុតដែលបានរួមចំណែកគាំទ្រ និងដើរតួជាម្ចាស់ជំនួយលើគម្រោងរបស់ UNIDO តាមរយៈការគាំទ្រ និងសហការយ៉ាងកក់ក្តៅក្រោមវត្តមានដ៏ខ្ពង់ខ្ពស់របស់រដ្ឋមន្ត្រីក្រសួងបរិស្ថាន និងរដ្ឋមន្ត្រី ការងារ និងបណ្តុះបណ្តាលវិជ្ជាជីវៈកម្ពុជា បូករួមទាំងស្ថាប័នជាដៃគូដទៃទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ