អាជ្ញាធរមូលដ្ឋានគូសបញ្ជាក់កាលពីថ្ងៃទី៩ សីហាថា ក្រុមអ៊ិស្លាមមួយក្រុមមានមនុស្ស៦០នាក់រស់នៅក្នុងរូងក្រោមដីជាមួយប្រពន្ធកូនរយៈពេល១០ឆ្នាំមកហើយត្រូវបានប៉ូលិសរកឃើញក្នុងសាធារណរដ្ឋរុស្ស៊ីតាតាស្ថាន ។ មនុស្សក្នុងក្រុមសាសនានោះដែលរស់នៅរូងក្រោមដីដឹកនាំដោយប្រមុខម្នាក់ឈ្មោះហ្វៃអុីស រ៉ាកម៉ាន់ សាតា រ៉ូវអាយុ៨៥ឆ្នាំ ។ ពួកគេរស់ក្នុងផ្ទះមួយក្រោមដីដែលប្រែក្លាយទៅជាព្រះវិហារលួចលាក់មួយនៅកាហ្សាន់ រដ្ឋធានីនៃរដ្ឋតាតា ស្ថាន ។
លោកសាតារ៉ូវ ដែលប្រកាសខ្លួនឯងថា ជាព្រះមួយកាលពីឆ្នាំ១៩៦៤នោះ បានដាក់បំរាមតឹងតែងបំផុត ។ សមាជិករបស់ខ្លួនហាមដាច់ខាតមិនឱ្យចេញក្រៅលើកលែងករណីបន្ទាន់ហើយក៏រារាំងដែរមិនឱ្យពួកកូនៗទៅសាលារៀនឬទៅព្យាបាលជំងឺនៅមន្ទីរពេទ្យ ។ ពួកកូនៗក្រុមនេះពុំដែលជួបប្រាស្រ័យទាក់ទងជាមួយពិភពខាងក្រៅឡើយ រួចពួកគេក៏ពុំបានទៅសាលារៀនដែរនិងមិនបានទៅពេទ្យពេលមានជំងឺដែលប្រការទាំងនេះជាការរំលោភបំពានសិទ្ធិកុមារធ្ងន់ធ្ងរ ។
កសាងនៅក្រោមដីក្នុងរូងនោះមានបន្ទប់ តូចៗទំហំ៦ម៉ែត្រក្រឡាដែលក្នុងបន្ទប់ទាំងនេះពួកក្មេងៗរស់នៅក្នុងស្ថានភាពកខ្វក់បំផុតនិងគ្មានខ្យល់អាកាសគ្រប់គ្រាន់ ។ បើសភាពរបស់ពួកគេក្មេងៗទាំងនេះត្រូវបញ្ជូនទៅមន្ទីរពេទ្យមុនពេលបញ្ជូនទៅកាន់មណ្ឌលកុមារកំព្រា ។ ប៉ូលិសនិយាយថា ក្នុងរូងក្រោមដីនេះមានមនុស្សរស់នៅដល់ទៅ៦០នាក់ក្នុងនោះមានកុមារ១៥នាក់ ៕
ចែករំលែកព័តមាននេះ