ខេត្តព្រះវិហារ ៖ នៅព្រឹកថ្ងៃទី៨ សីហា ២០១២ កន្លងទៅថ្មីៗនេះ នៅអគារសាខាកាកបាទក្រហមកម្ពុជា ខេត្តព្រះវិហារ មានរៀបចំពិធីបើកសិក្ខាសាលាមួយស្តីពីការរៀបចំបណ្តាញសហគមន៍ព្រៃឈើក្នុងខេត្ត ។
ពិធីនោះរៀបចំឡើងដោយអង្គការ Oxfam ជំនួយរបស់សហភាពអឺរ៉ុប និងអង្គការនានាសហការជាមួយខណ្ឌរដ្ឋបាលព្រៃឈើខេត្តដែលមានការអញ្ជើញចូលរួមពីលោកស្រី ខូយ ប៊ុនថាន អភិបាលរងខេត្តព្រះវិហារ តំណាងអង្គ ការ Oxfam តំណាងអង្គការនានាខណ្ឌរដ្ឋបាលព្រៃឈើ ព្រះវិហារ ព្រមទាំងសមាជិក សមាជិកាជាច្រើនរូបទៀត មកពីគ្រប់បណ្តាលសហគមន៍ព្រៃឈើក្នុងខេត្តចំនួន១៨ សហគមន៍ដោយបានចែកចេញចំនួន២៩កន្លែង មានផ្ទៃដីសរុបស្មើនឹង៣៧.០៦៣ហិកតា ។
លោកនង ខេមរិន្ទ នាយរងខណ្ឌរដ្ឋបាលព្រៃឈើខេត្តព្រះសីហនុ បានឡើងអានរបាយការណ៍ជាច្រើនស្តីពីច្បាប់ព្រៃឈើ និងសហគមន៍ព្រៃឈើក្រោមការចង្អុលបង្ហាញពីសំណាក់លោកបណ្ឌិតច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានជំរុញឱ្យរដ្ឋបាលព្រៃឈើជាសេនាធិការដែលមានលោកឆេង គឹមសុន ជាប្រធាន និងមានការគាំទ្រពីអាជ្ញាធរគ្រប់លំដាប់ថ្នាក់ មន្ទីរ អង្គភាព ពាក់ព័ន្ធបានខិតខំរៀបចំជាសហគមន៍ព្រៃឈើនេះឡើងដែលកំពុងទទួលបាននូវការថែបំប៉ន សមាសភាព ដើម្បីចូលរួមអនុវត្តន៍គ្រប់គ្រងធនធានព្រៃឈើ ស្របតាមផែនការគ្រប់គ្រងព្រៃសហគមន៍ជូនអង្គសិក្ខាសាលាបានជ្រាបផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ