យោងតាមរបាយការណ៍មួយកាលពីព្រឹកថ្ងៃទី៩ សីហាថា អាជ្ញាធរមូលដ្ឋានមីយ៉ាន់ម៉ា(ភូមា) បានដាក់ចាប់ពីយប់ថ្ងៃទី៨សីហាទៅនូវបំរាមគោចរក្នុងតំបន់ KYAUKAW ក្នុងរដ្ឋរ៉ាឃីន ភាគខាងលិចប្រទេសក្រោយការបះបោរខាងផ្នែកសាសនាក្នុងតំបន់នេះមក ។ បំរាមគោចរចូលជាធរមានគិតចាប់ពីម៉ោង១៩យប់ដល់ម៉ោង៥ព្រឹកត្រូវបានដាក់ដោយរដ្ឋបាលតំបន់ KYAUKTAW ដែលធ្វើឱ្យចំនួនតំបន់ស្ថិតក្នុងបំរាមគោចរនៅរដ្ឋរ៉ាឃីនឡើងដល់៧ហើយ ។
ការបះបោរដែលមានការដើរដុតបំផ្លាញផ្ទះសម្បែងជាច្រើនខ្នងផ្ទុះឡើងកាលពីថ្ងៃទី៥សីហា កន្លងមកនេះ នៅ KYAUKTAW ចម្ងាយ១២៨គ.ម ពីទីក្រុង SITTWAY រដ្ឋធានីនៃរដ្ឋរ៉ាឃីន ក្រោយការប៉ះទង្គិចបង្ហូរឈាមគ្នារវាងសហគមន៍កាន់ព្រះពុទ្ធសាសនានិងសហគមន៍អ៊ិស្លាមនៃរដ្ឋរ៉ាឃីនមក ៕
ចែករំលែកព័តមាននេះ