ខេត្តកំពង់ធំ ៖ ទន្ទឹមនឹងការយកចិត្តទុកដាក់ស្តាប់នូវប្រសាសន៍ដ៏ថ្លៃថ្លារបស់សម្តេចតេជោ ហ៊ុន សែន គេសង្កេតឃើញថា នៅតាមទីសាធារណៈ អង្គភាព មន្ទីរ ស្ថាប័នរដ្ឋ និងស៊ីវិលទីប្រជុំជន វត្តអារាម និងតាមតៀមកាហ្វេនានាក្នុងទីរួមខេត្តកំពង់ធំ ក៏មានការផ្សព្វផ្សាយបន្តតាមមេក្រូយ៉ាងកងរំពង ។
ដោយឡែកជាមួយគ្នានោះដែរ នៅស្នងការដ្ឋាននគរបាលខេត្ត ព្រឹកថ្ងៃទី៩ សីហា ២០១២ ចាប់ពីម៉ោង៨ព្រឹកលោកឧត្តមសេនីយ៍ត្រី ផាន់ សុផេង ស្នងការនគរបាលខេត្ត និងលោកស្នងការរងបានដឹកនាំមន្ត្រីនគរបាលចំនួនជាង៤០០នាក់ ដែលមកពីអធិការក្រុង-ស្រុក និងប៉ុស្តិ៍ចំណុះឱ្យស្នងការដ្ឋាននគរបាលខេត្តមកជួបជុំគ្នាស្តាប់នូវប្រសាសន៍របស់សម្តេចតេជោ ហ៊ុន សែន ។
អ្វីដែលកាន់តែពិសេសជាងនេះទៅទៀតនោះ គឺក្មេងជំនាន់ក្រោយអាចនឹងដឹងថា ការទទួលស្គាល់ផែនទីគោករវាងកម្ពុជា-វៀតណាម គឺជាប្រវត្តិសាស្ត្រដែលមិនអាចកែប្រែបាន ហើយក៏ជាព័ត៌មានថ្មីដែលពលរដ្ឋកម្ពុជាត្រូវតែដឹង និងទទួលស្គាល់ការពិតទាំងនេះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ