ការប្រកួតបាល់ទាត់អូឡាំពិកក្រុងឡុងឆ្នាំ 2012 យុវជនអាយុក្រោម 23 ឆ្នាំ ដណ្តើមយកមេដាយសំរឹទ្ធិសម្រាប់រាត្រីថ្ងៃសុក្រនេះមាន 1 ប្រកួត ។ ក្រុមបិសាចក្រហម កូរ៉េខាងត្បូង ជួបជាមួយអ្នកលេងដាវសាមូរ៉ៃ ជប៉ុន ។ តើក្រុមណាជាម្ចាស់មេដាយសំរឹទ្ធិ បាល់ទាត់អូឡាំពិកក្រុងឡុងឆ្នាំ 2012 ?
Japan U23 V Korea Rep U23
Japan U23 វត្តមានក្នុងការប្រកួតអូឡាំពិកមានចំនួន 9 លើក ។ កីឡាករសំខាន់ៗរួមមាន កីឡាករខ្សែប្រយុទ្ធ Kensuke Nagai ស៊ុតបាល់បញ្ចូលទីបាន 11 គ្រាប់, កីឡាករខ្សែបម្រើ Keigo Higashi ស៊ុតបាល់បញ្ចូលទីបាន 5 គ្រាប់និងកីឡាករខ្សែប្រយុទ្ធ Yuki Otsu ស៊ុតបាល់បញ្ចូលទីបាន 4 គ្រាប់ ។ ជប៉ុនជាក្រុមលេខ 1 មកពីពូល D ហើយក៏ជាជើងខ្លាំងប្រចាំទ្វីបអាស៊ីផងដែរ ។ 3 ប្រកួតជម្រុះក្នុងពូលគឺ 2-1-0 ស៊ុតបាល់បាន 2 គ្រាប់ តែគ្មានរបូតវិញសោះ ។ 5 ប្រកួតចុងក្រោយគឺលេងឈ្នះ Spain U23 1-0 ឈ្នះ Morocco U23 1-0 ស្មើ Honduras U23 0-0 ឈ្នះ Egypt U23 3-0 បន្ទាប់មកលេងចាញ់ Mexico U23 3-1 ទឹកដីអង់គ្លេស ។
Korea Rep U23 វត្តមានប្រកួតអូឡាំពិកមានចំនួន 9 លើក ។ កីឡាករឆ្នើមៗរួមមាន កីឡាករខ្សែប្រយុទ្ធ Park Chu Young ស៊ុតបាល់បញ្ចូលទីបាន 9 គ្រាប់, កីឡាករខ្សែបម្រើ Kim Sung Yueng ស៊ុតបាល់បញ្ចូលទីបាន 4 គ្រាប់ និងកីឡាករខ្សែបម្រើប្រធានក្រុម Koo Cheol ស៊ុតបាល់បញ្ចូលទីបាន 3 គ្រាប់ ។ កូរ៉េខាងត្បូងជាក្រុមលេខ 2 មកពីពូល B ។ 3 ប្រកួតជម្រុះក្នុងពូលគឺ 1-2-0 ស៊ុតបាល់បាន 2 គ្រាប់និងរបូតវិញ 1 គ្រាប់ ។ 5 ប្រកួតចុងក្រោយគឺលេងស្មើ Mexico U23 0-0 ឈ្នះ Switzerland U23 2-1 ស្មើ Gabon U23 0-0 ឈ្នះ Great Britain 5-4 (ស៊ុតបាល់ប៉េណាល់ទី) បន្ទាប់មកលេងចាញ់ Brazil U23 3-0 ទឹកដីអង់គ្លេស ។
ចែករំលែកព័តមាននេះ