សវនាការកាត់ទោសលោកស្រីហ្គូ កៃឡៃ ភរិយាលោកបស៊ីឡៃ ជាអ្នកនយោបាយមានឈ្មោះល្បីម្នាក់បើកធ្វើកាលពីថ្ងៃទី៩ សីហាជាមួយនឹងបាតុកម្ម២នៅក្បែរតុលាការ ។ ជនជាតិចិនជាច្រើនចាត់ទុកការកាត់ទោសពីបទសម្លាប់មនុស្សប្រឆាំងលោកស្រីហ្គូកៃឡៃថាជាផ្នែកមួយនៃយុទ្ធនាការប្រឆាំងមហិច្ឆតារបស់ស្វាមីលោកស្រីដែលមានសត្រូវច្រើនដោយបង្ហាញថា រូបលោកចង់ចូលក្នុងជំនាន់ថ្មីនៃមេដឹកនាំ សំខាន់ៗរបស់ប្រទេស ។
ជាសមាជិកការិយាល័យនយោបាយបក្សកុម្មុយនីស្តចិនលោកបស៊ីឡៃ ជាប្រមុខបក្សកុម្មុយនីស្តចិនក្រុងចុងគិញជាទីក្រុងធំមួយនៅភាគនិរតីប្រទេស។ លោកមុននេះត្រូវគេចាត់ទុកថាជាអ្នកអាចចូលក្នុងគណៈកម្មាធិការអចិន្ត្រៃយ៍ នៃការិយាល័យនយោបាយរបស់បក្សក្នុងពេលមានការផ្លាស់ប្តូរនយោបាយ ។ ក្រុមមេដឹកនាំជំនាន់ថ្មីរបស់ចិនត្រូវប្រកាសនាខែតុលាខាងមុខនេះ ។
លោកស្រីហ្គូកៃឡៃទទួលការចោទប្រកាន់ពីបទបំពុលសម្លាប់ពាណិជ្ជករអង់គ្លេសម្នាក់លោក NEIL HEYWOOD ដែលសាកសពរបស់លោកហាក់ដូចជារកឃើញក្នុងសណ្ឋាគារមួយនៃក្រុងចុងគិញកាលពីខែវិច្ឆិកា ។ ពាណិជ្ជកររូបនេះ ជាអ្នកជួយកូនប្រុសលោកបស៊ីឡៃ និងលោកស្រីហ្គូកៃឡៃ ឈ្មោះបហ្គាហ្គា ឱ្យអាចសិក្សានៅសាលាជាន់ខ្ពស់ដ៏ល្បីល្បាញមួយរបស់អង់គ្លេស ៕
ចែករំលែកព័តមាននេះ