ទីភ្នាក់ងារព័ត៌មាន ស៊ីនហួ របស់ចិនផ្សាយថា ហាងទំនិញមួយក្នុងទីក្រុងអ៊ូហាន ប្រើមាសសន្លឹកទម្ងន់២០០គីឡូក្រាម ក្រាលទុកនៅលើទីធ្លារបស់ហាង ដោយបង្កើតជា«ផ្លូវមាស»ដើម្បីប្រារព្ធពិធីគំរប់ខួបនៃការបង្កើតហាង ពីថ្ងៃទី៣ដល់ទី៦ សីហា ។
កាសែតរបស់ចិនបញ្ជាក់ថា នៅក្នុងហាងទំនិញមួយក្នុងទីក្រុង អ៊ូហាន មាន«ផ្លូវមាស»ដោយប្រើមាសសន្លឹក ឬមាសគីឡូ ក្រាលលើផ្ទៃរបស់ហាងប្រវែង៧ម៉ែត្រ ដើម្បីទាក់ទាញអតិថិជនដោយគេអាចមានឱកាសបានដើរ«លើមាស» ។នៅក្នុងគ្រោងកញ្ចក់បានតំរៀបមាសសុទ្ធ ដោយក្នុងមួយដុំៗមានទម្ងន់១គីឡូក្រាមសរុបចំនួន២០០ដុំ បើគិតនឹងថ្លៃបច្ចុប្បន្នគឺជាង១០លានដុល្លារ ៕
ចែករំលែកព័តមាននេះ