ខេត្តកំពង់ស្ពឺ ៖ របាយការណ៍ស្តីអំពីស្ថានភាពបង្កបង្កើនផលស្រូវ និងដំណាំរដូវវស្សាឆ្នាំ២០១២ របស់មន្ទីរកសិកម្មខេត្ត ដោយគិតត្រឹមថ្ងៃទី៦ សីហា ២០១២ ផែនការបង្កបង្កើនផលស្រូវវស្សាសម្រាប់ បណ្តាស្រុក-ក្រុងទាំង៨ ក្នុងខេត្តសម្រេចភ្ជួររាស់ដីបានផ្ទៃដីសរុបចំនួន១៤.០៩៣ហិកតា ហើយសម្រេចសាបព្រោះដាំទាំង៨ស្រុក-ក្រុងសរុបចំនួន៤៤.៣៣២ហិកតា និងដំណាំរួមផ្សំមានចំនួនសរុប៤.០៤៥ហិកតា ។
របាយការណ៍បញ្ជាក់ថា ផលប៉ះពាល់ដោយគ្រោះរាំងស្ងួតមានចំនួន២៣ឃុំ លើផ្ទៃដីសរុបចំនួន៣០៧ហិកតា ក្នុងនោះសំណាប២៣៨ហិកតា សន្ទូង៦៩ហិកតា ។ ដោយឡែកមានស្រុកចំនួន៥ដែលទទួលរងភាពរាំងស្ងួត ១-ស្រុកបរសេដ្ឋមាន៥ឃុំ ប៉ះពាល់សំណាប៣៥ហិកតា ២-ស្រុកឧត្តុង្គមាន៩ ឃុំប៉ះពាល់សំណាប៥២ហិកតា និងសន្ទូង៤០ហិកតា ៣-ស្រុកគងពិសី មាន៣ឃុំ ផ្ទៃដីប៉ះពាល់៨០ហិកតា ក្នុងនោះសំណាប៦០ហិកតា សន្ទូង២០ហិកតា និង៥-ស្រុកឱរ៉ាល់ មាន៣ឃុំ ផ្ទៃដីប៉ះពាល់សរុប៨៥ហិកតា ក្នុងនោះសំណាប៧៦ហិកតា សន្ទូង៩ហិកតា ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ