រាជធានីភ្នំពេញ ៖ ម៉ូតូឌ្រីមសេ១២៥ ពណ៌ខ្មៅ ស៊េរី២០១១ មួយគ្រឿងបើកបរដោយបុរសម្នាក់បានបើកលឿនហើយព្យាយាមបើកវ៉ារថយន្តមួយគ្រឿងក៏ជ្រុលទៅបុករថយន្តSTAREX ពណ៌ទឹកប្រាក់បើកដោយបុរសម្នាក់ដែលកំពុងបើកបរឆ្លងថ្នល់ត្រូវចំហៀងខាងឆ្វេងពេញទំហឹងបណ្តាលឱ្យបុរសបើកម៉ូតូរងរបួសធ្ងន់ធ្ងរត្រូវរថយន្តសាមុយដឹកយកទៅសង្គ្រោះបន្ទាន់នៅមន្ទីរ
រាជធានីភ្នំពេញ ៖ ម៉ូតូឌ្រីមសេ១២៥ ពណ៌ខ្មៅ ស៊េរី២០១១ មួយគ្រឿងបើកបរដោយបុរសម្នាក់បានបើកលឿនហើយព្យាយាមបើកវ៉ារថយន្តមួយគ្រឿងក៏ជ្រុលទៅបុករថយន្តSTAREX ពណ៌ទឹកប្រាក់បើកដោយបុរសម្នាក់ដែលកំពុងបើកបរឆ្លងថ្នល់ត្រូវចំហៀងខាងឆ្វេងពេញទំហឹងបណ្តាលឱ្យបុរសបើកម៉ូតូរងរបួសធ្ងន់ធ្ងរត្រូវរថយន្តសាមុយដឹកយកទៅសង្គ្រោះបន្ទាន់នៅមន្ទីរពេទ្យឯកជនមួយ កាលពីវេលាម៉ោង៩និង៣៥នាទីយប់ថ្ងៃទី៧ សីហា តាមបណ្តោយផ្លូវ១៩៨៦ សង្កាត់ភ្នំពេញថ្មី ខណ្ឌសែនសុខ ត្រង់ចំណុចទល់មុខភោជនីយដ្ឋានរស្មីបឹងកក់ ។ បុរសរបួសធ្ងន់ជិះម៉ូតូឌ្រីមសេ១២៥ ពណ៌ខ្មៅ ស៊េរី២០១១នោះឈ្មោះ អ៊ុ សុន្ធារម្យ អាយុ២៥ឆ្នាំ ។
លោក ស៊ិន សុវណ្ណ នាយរងផ្នែកសណ្តាប់ធ្នាប់ចរាចរណ៍ជើងគោកខណ្ឌសែនសុខបានឱ្យដឹងថា មុនពេលកើតហេតុម៉ូតូឌ្រីមសេ១២៥ ពណ៌ខ្មៅ ស៊េរី២០១១មួយគ្រឿងបើកបរដោយបុរសម្នាក់យ៉ាងលឿនតាមផ្លូវ១៩៨៦ ក្នុងទិសដៅពីកើតទៅលិច ពេលមកដល់ចំណុចកើតហេតុបានបើកវ៉ារថយន្តមួយគ្រឿងនៅពីមុខក៏ជ្រុលទៅបុករថយន្តSTAREX ពណ៌ទឹកប្រាក់លាយពណ៌ស្លែ ប្រភេទ១២កៅអីមួយគ្រឿងបើកបរដោយបុរសម្នាក់មិនស្គាល់អត្តសញ្ញាណ ដែលកំពុងបត់ឆ្លងថ្នល់ត្រូវចំហៀងក្បាលខាងឆ្វេងពេញទំហឹងបណ្តាលឱ្យរថយន្តក្រពឹត ឯម៉ូតូបាក់កង់ និងអ្នកបើកខ្ទាត់ទៅបោកក្បាល នឹងថ្នល់ហូរឈាមពេញខ្លួនត្រូវរថយន្តសាមុយដឹកយកទៅសង្គ្រោះបន្ទាន់នៅមន្ទីរពេទ្យឯកជនមួយដែលនៅក្បែរកន្លែងកើតហេតុ ។
លោក ស៊ិន សុវណ្ណ បន្តថា ក្រោយពេលកើតហេតុម្ចាស់រថយន្តSTAREX ប្រភេទ១២កៅអីនោះបានចុះរត់គេចខ្លួនបាត់ ឯរថយន្តត្រូវប៉ូលិសស្ទូចយកទៅរក្សាទុកនៅអធិការដ្ឋានខណ្ឌសែនសុខរង់ចាំការដោះស្រាយជាក្រោយបន្ទាប់ពីវាស់វែងរួច ៕
ចែករំលែកព័តមាននេះ