រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់ស្ថានទូតអូស្ត្រាលីប្រចាំនៅកម្ពុជាចេញផ្សាយកាលពីថ្ងៃទី៨ សីហា ឱ្យដឹងថា នៅថ្ងៃទី៩ សីហា ២០១២ វេលាម៉ោង៦ល្ងាច លោកជំទាវ ផេនី រីឆាដស៍ ឯកអគ្គរាជទូតអូស្ត្រាលីប្រចាំព្រះរាជាណាចក្រកម្ពុជា នឹងអញ្ជើញបើកសម្ពោធជាផ្លូវការពិធីតាំងពិព័រណ៍ផ្ទាំងគំនូរសិល្បៈថ្មីនៅកន្លែងតាំងពិព័រណ៍សាសាបាសាក់ ដែលមានទីតាំងផ្ទះលេខ១៨ ជាន់ទី២ មហាវិថីសុធារស រាជធានីភ្នំពេញ។
ផ្ទាំងគំនូរសិល្បៈថ្មីនេះត្រូវបានយកមកដាក់តាំងពិព័រណ៍ជាក្រុមជាលើកទី១ នៅកន្លែងតាំងពិព័រណ៍សាសាបាសាក់ ហើយគំនូរនេះបង្ហាញអំពីស្នាដៃរបស់វិចិត្រករខ្មែរ និងអូស្ត្រាលី ។ អ្នកសារព័ត៌មានទាំងឡាយត្រូវបានអញ្ជើញឱ្យចូលរួមក្នុងពិធីនេះដោយគ្រាន់តែប្រាប់ពី ការចូលរួមរបស់ខ្លួនតាមរយៈអីុម៉ែលមក ៖ binike.ro@dfat.gov.au ៕
ចែករំលែកព័តមាននេះ