ប្រទេសក្រិកនិងបណ្តាប្រទេសម្ចាស់បំណុលរបស់ខ្លួនបានព្រមព្រៀងគ្នាដើម្បីពង្រឹងកិច្ចប្រឹងប្រែងគោលនយោបាយគាំពារសេដ្ឋកិច្ច និងធ្វើតាមលក្ខខណ្ឌប្រាក់សង្គ្រោះបន្ទាប់ពីមានកិច្ចប្រជុំនៅទីក្រុងអាថែនជាងមួយសបា្តហ៍មកនេះ ។ អ្នកតំណាងមកពីគណៈកម្មាធិការអឺរ៉ុបធនាគារកណ្តាលអឺរ៉ុប និងមូលនិធិរូបិយវត្ថុអន្តរជាតិបានជួបប្រជុំគ្នាជាមួយរដ្ឋមន្រ្តីហិរញ្ញវត្ថុក្រិក លោកយ៉ានីស ស្តូណារ៉ាស់ នៅទីក្រុងអាថែន ដើម្បីឈានទៅដល់ការបិទបញ្ចប់កិច្ចប្រជុំ ។
កិច្ចប្រជុំនឹងធ្វើការសម្រេចថាតើក្រិកបន្តទទួលយកមូលនិធិចំនួន២៤០ពាន់លានអឺរ៉ូនៃកញ្ចប់ថវិកាសង្គ្រោះ ឬក៏យ៉ាងណា ? កិច្ចពិភាក្សាស្តីពីការអនុវត្តគម្រោងគឺទទួលបានលទ្ធផលល្អ និងមានកិច្ចព្រមព្រៀងដើម្បីពង្រឹងកិច្ចប្រឹងប្រែងគោលនយោបាយឲ្យសម្រេចវត្ថុបំណងរបស់ខ្លួន ។ បណ្តាក្រុមអធិការកិច្ចនឹងវិលត្រឡប់ទៅកាន់ទីក្រុងអាថែនជាថ្មីម្តងទៀតនៅដើមខែកញ្ញាខាងមុខដើម្បីបន្តកិច្ចពិភាក្សាបន្ថែមទៀត ៕
ចែករំលែកព័តមាននេះ