រាជធានីភ្នំពេញ ៖ ដូចតាមការគ្រោងទុកនៅវេលាម៉ោង៨ព្រឹកថ្ងៃទី៩ សីហា ២០១២ សម្តេចតេជោនាយករដ្ឋមន្រ្តី ហ៊ុន សែន បានចូលបកស្រាយឆ្លើយនឹងសំណួររបស់តំណាងគណបក្សប្រឆាំងលើបញ្ហាបោះបង្គោលព្រំដែន នៅមន្ទីររដ្ឋសភា ។
នៅចំពោះមុខវត្តមានប្រធានរដ្ឋសភា សម្តេច ហេង សំរិន និងតំណាងរាស្រ្តជាង១០០រូបមកពីគ្រប់គណបក្សនយោបាយរាប់ទំាងតំណាងរាស្រ្តគណបក្សប្រឆាំងផងនោះ សម្តេចនាយករដ្ឋមន្រ្តី ហ៊ុន សែន បានលើកសរសើរ លោកសុន ឆ័យ តំណាងរាស្រ្តមណ្ឌលភ្នំពេញមកពីគណបក្ស សម រង្ស៊ី ដែលបានសួរសំណួរដោយលាយលក្ខណ៏អក្សរតាមបែបប្រជាធិបតេយ្យប្រសើរជាងមេបក្សរបស់លោកសុន ឆ័យ ដែលសំដៅដល់លោកសម រង្ស៊ី ដែលបានដកបង្គោលព្រំដែនលេខ១៨៥ នៅស្រុកចន្ទ្រា ខេត្តស្វាយរៀង ដោយខុសច្បាប់ហើយបែរជាចាត់ទុកខ្លួនថា ជាអ្នកទោសមនសិការនោះថែមទៀត ។
ជាមួយគ្នានេះដែរ សម្តេចនាយករដ្ឋមន្រ្តី ហ៊ុន សែន ក៏បានបង្ហើបឲ្យដឹងថា លោក សុន ឆ័យ គឺជាប្អូនធ៌មរបស់សម្តេច និងបានប្រកាសផ្តល់រង្វាន់៥ម៉ឺនដុល្លារ ដល់អ្នកទាំងឡាយណាដែលបានផ្តល់ព័ត៌មានឈានទៅដល់ការចាប់ខ្លួនអ្នកដែលក្លែងហត្ថលេខារបស់សម្តេច និង ឯកសារក្លែងក្លាយដទៃទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ