រាជធានីភ្នំពេញ ៖ ក្នុងជំនួបពិភាក្សាការងារជាមួយលោកបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីនារសៀលថ្ងៃទី៦ សីហា ២០១២ នៅទីស្តីការគណៈរដ្ឋមន្ត្រី លោក William E.Todd ឯកអគ្គរដ្ឋទូតវិសាមញ្ញ និងពេញសមត្ថភាពនៃសហរដ្ឋអាមេរិកបានលើករបៀបវារៈចំនួន៤ចំណុចមកពិភាក្សា ៖
ចំណុចទី១-បច្ចុប្បន្នភាពនៃសាលាក្តីខ្មែរក្រហម
ចំណុចទី២-ការកែសម្រួលទ័ពចេញពីប្រាសាទព្រះវិហារ
ចំណុចទី៣-ករណីរូបចម្លាក់ Duryodhana របស់កម្ពុជានៅអាមេរិក
និងចំណុចទី៤-ការប្រារព្ធខួបលើកទី៥០ របស់ទីភ្នាក់ងារអភិវឌ្ឍន៍របស់សហរដ្ឋអាមេរិក USAID ។
លោកផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីបានប្រាប់ឱ្យដឹងថា លោកឯកអគ្គរដ្ឋទូត William E-Todd បានបញ្ជាក់ថា សហរដ្ឋអាមេរិកប្តេជ្ញាចិត្តក្នុងការរួមសហការធ្វើឱ្យមានប្រសិទ្ធភាពនៃទំនាក់ទំនងល្អ និងកិច្ចសហប្រតិបត្តិការជាមួយកម្ពុជានៅក្នុងវិស័យការអភិវឌ្ឍ និងកាត់បន្ថយភាពក្រីក្រ ។
លោកឯកអគ្គរដ្ឋទូតមានប្រសាសន៍ថា សហរដ្ឋអាមេរិកប្តេជ្ញាចិត្តក្នុងការនាំមកកម្ពុជានូវធនធានមនុស្សក៏ដូចជាកម្មវិធីដទៃទៀតក្នុងការអភិវឌ្ឍន៍ព្រះរាជាណាចក្រកម្ពុជា ។
ចំណុចទី៣ សហរដ្ឋអាមេរិកប្តេជ្ញាធ្វើជាដៃគូជាមួយនឹងព្រះរាជាណាចក្រកម្ពុជា ក្នុងកិច្ចទំនាក់ទំនងរួមចំណែករបស់កម្ពុជាដែលកំពុងដំណើរការជាវិជ្ជមាន ។ ទន្ទឹមនឹងនេះសូមរំលឹកផងដែរថា លោកជំទាវហ៊ីលឡារី គ្លីនតុន រដ្ឋមន្ត្រីការបរទេសសហរដ្ឋអាមេរិកបានកោតសរសើរដល់ព្រះរាជាណាចក្រកម្ពុជាដែលបានដំណើរការប្រកបដោយការវិវឌ្ឍជាលំដាប់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ