ហ្វ្លយមេវេដឌ័រត្រូវបានដោះលែងពីពន្ធនាគារក្រុងឡាសវេហ្គាសហើយកាលពីព្រឹកថ្ងៃសុក្រទី៣សីហា(ម៉ោងនៅសហរដ្ឋអាមេរិក)បន្ទាប់ពីបានជាប់ឃុំឃាំងអស់២ខែពីបទវាយតប់ភរិយាមិនទាន់រៀបការរបស់ខ្លួននៅចំពោះមុខកូនៗកាលពីឆ្នាំ២០១០កន្លងទៅ។
តារាប្រដាល់ស្បែកខ្មៅរូបនេះត្រូវបានមនុស្ស២០នាក់ដែលជាមិត្តភក្តិនិងក្រុមគ្រួសារដោយក្នុងនោះមានទាំងតារាចម្រៀងរែប 50 Centមកទទួលស្វាគមន៍ផងដែរ ។មេវេដឌ័រវ័យ៣៥ឆ្នាំមិនបាននិយាយអ្វីទេជាមួយអ្នកសារព័ត៌មាន និងបានធ្វើដំណើរចេញទៅបាត់តាមរថយន្តម៉ាក Bentley sedan ពណ៌ ខៀវ ។
មេវេដឌ័របានសារភាពទោសកំហុសកាលពីខែធ្នូឆ្នាំទៅមិញ ហើយត្រូវបានគេកាត់ទោសឱ្យជាប់ពន្ធនាគារ៦ខែ ប៉ុន្តែ៣ខែទៀតត្រូវព្យួរទោស។ ការជាប់ឃុំរបស់គេត្រូវបានពន្យារពីខែមករាដល់ថ្ងៃទី១មិថុនា ឆ្នាំ២០១២ក្រោយពីមានការស្នើសុំពីមេធាវីដើម្បីផ្តល់ឱកាសឱ្យរូបគេបានឡើងប្រកួតជាមួយកីឡាករមីហ្គែល កូតូថ្ងៃទី៥ ខែឧសភា នៅក្រុងឡាសវេហ្គាស ៕
ចែករំលែកព័តមាននេះ