កងម៉ារីនស្រីលង្កាអះអាងថាបានចាប់អ្នកនេសាទចិន៣៧នាក់កាលពីយប់ថ្ងៃទី៥សីហាហើយស្ថានទូតចិនបានស្នើឱ្យដោះលែងពួកគេដោយឆាប់រហ័ស ។អ្នកនាំពាក្យរបស់កងម៉ារីនមេបញ្ជាការកូសាឡា វ៉ាណាគូឡា ស៊ូរីយ៉ា គូសបញ្ជាក់កាលពីថ្ងៃទី៦សីហាថា អ្នកនេសាទចិនទាំងនោះត្រូវចាប់ខ្លួនពីបទចូលនេសាទដោយខុសច្បាប់ក្នុងដែនទឹកស្រីលង្កាហើយនឹងត្រូវបញ្ជូនឱ្យប៉ូលិសដើម្បីធ្វើការស៊ើបអង្កេត ។ អ្នកនាំពាក្យរូបនេះបញ្ជាក់ថា អ្នកនេសាទទាំងនេះស្ថិតលើនាវានេសាទ២គ្រឿងដែលប្រទះឃើញក្នុងដែនទឹកនៃតំបន់បាទីកាឡាវ ។ ជនជាតិស្រីលង្កា២នាក់ក៏ត្រូវចាប់ខ្លួនដែរ ។
ស្ថានទូតចិនប្រចាំប្រទេសស្រីលង្កាអះអាងថាបានស្នើដល់អាជ្ញាធរស្រីលង្កាឱ្យដោះស្រាយសំណុំរឿងនេះយោងទៅតាមច្បាប់ ស្វែងរកការពិតហើយដោះលែងពួកអ្នកនេសាទចិនដោយឆាប់រហ័សតាមដែលអាចធ្វើទៅបាន ៕
ចែករំលែកព័តមាននេះ