ម៉ាស៊ីនឃោសនាក្នុងស្រុករាយការណ៍ថា មនុស្សយ៉ាងតិច៤នាក់ស្លាប់ហើយ១០នាក់ទៀតត្រូវរបួសក្នុងនោះមាននារីនិងកុមារដោយសារការផ្ទុះគ្រាប់បែកមួយគ្រាប់កាលពីថ្ងៃទី៥សីហា ក្នុងសង្កាត់មួយនៃទីក្រុងកេតតា ភាគនិរតីប៉ាគីស្ថាន ។ យោងតាមទូរទស្សន៍ក្នុងស្រុកDUNYA ថាឧប្បត្តិហេតុនេះកើតមាននាវេលាម៉ោង១២ម៉ោងក្នុងស្រុកខណៈពេលរថយន្តមួយគ្រឿងលាក់គ្រឿងផ្ទុះដែលចតចោលនៅសង្កាត់នេះបានផ្ទុះដោយសារការចុចបញ្ជាពីចម្ងាយ ។
ក្រោយការផ្ទុះ ផ្ទះមួយខ្នងរងការបំផ្លាញខ្ទេច ចំណែកផ្ទះ២ខ្នងទៀតរងការខូចខាតធ្ងន់ធ្ងរ ។ គេសង្ស័យថាអាចនៅមានសាកសពមនុស្សកប់ក្រោមគំនរបាក់បែក ហើយពួកអ្នកជួយសង្គ្រោះបានខិតខំរើកកាយដើម្បីជួយបណ្តាអ្នកជាប់ក្រោមគំនរបាក់បែក ។ ពួកអ្នករបួសដែលមួយចំនួនស្ថិតក្នុងសភាពធ្ងន់ធ្ងរត្រូវបានបញ្ជូនទៅកាន់មន្ទីរពេទ្យក្រុងកេតតា ៕
ចែករំលែកព័តមាននេះ