រាជធានីភ្នំពេញ ៖ សមត្ថកិច្ចនគរបាលការិយាល័យព្រហ្មទណ្ឌកម្រិតធ្ងន់រាជធានីភ្នំពេញ កាលពីថ្ងៃទី៤ សីហា ២០១២ បានសហការជាមួយនគរបាលប៉ុស្តិ៍បឹងសាឡាង ខណ្ឌទួលគោក ចាប់ឃាត់ខ្លួនយុវជនម្នាក់ដែលជាប់ពាក់ព័ន្ធថា បានគាស់ទ្វាររបងផ្ទះប្រជាពលរដ្ឋចូលលួចយកម៉ូតូ១គ្រឿង ។
យុវជនដែលសមត្ថកិច្ចឃាត់ខ្លួននោះឈ្មោះចាន់ វាសនា ភេទប្រុស អាយុ២៣ឆ្នាំ មុខរបរ និងស្នាក់នៅមិនពិតប្រាកដ ។ ទាក់ទិននឹងករណីឃាត់ខ្លួនជនសង្ស័យខាងលើនេះ ត្រូវបានសមត្ថកិច្ចនគរបាលព្រហ្មទណ្ឌកម្រិតធ្ងន់ឱ្យដឹងថា កាលពីវេលាម៉ោង៩យប់ថ្ងៃទី៣ សីហា ឈ្មោះគង់ ស្រីម៉ុច ភេទស្រី អាយុ២០ឆ្នាំ ជានិស្សិត ស្នាក់នៅផ្ទះលេខ៤១០ ផ្លូវលំភូមិមានជ័យ សង្កាត់ស្ទឹងមានជ័យ ខណ្ឌមានជ័យ បានទុកម៉ូតូម៉ាកហុងដា iCON ពណ៌ផ្កាឈូក ស៊េរី២០១០ នៅក្នុងផ្ទះ ។ លុះម៉ោងប្រហែល៣រំលងអធ្រាត្រឈានចូលថ្ងៃទី៤ ស្រាប់តែម៉ូតូដែលនាងបានទុកដាក់ត្រឹមត្រូវនោះត្រូវបាត់ហើយទ្វាររបងរបើកចំហ ពេលនោះទើបនាងយល់ថា ពិតជាត្រូវចោរគាស់ទ្វាររបងចូលលួចក៏ ប្តឹងប៉ូលិសតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ