ខេត្តកណ្តាល ៖ កាលពីព្រឹកថ្ងៃទី៦ សីហា ២០១២ នៅសាលប្រជុំស្នងការដ្ឋាននគរបាលខេត្តកណ្តាល មានរៀបចំពិធីបើកវគ្គបណ្តុះបណ្តាលជំនាញនគរបាលពន្លត់អគ្គិភ័យដល់សិក្ខាកាមពន្លត់អគ្គិភ័យនៃស្នងការដ្ឋាននគរបាលខេត្តចំនួន៤៣នាក់ ។
ពិធីបើកវគ្គបណ្តុះបណ្តាលជំនាញនគរបាលពន្លត់អគ្គិភ័យនេះមានការអញ្ជើញចូលរួមពីលោកវរសេនីយ៍ឯក ផន សុភា នាយករងវិទ្យាស្ថាននៃបណ្ឌិត្យសភានគរបាលកម្ពុជា លោកដែវ មែលឺរ តំណាងអង្គការផ្តល់ជំនួយសង្គ្រោះ និងអប់រំអន្តរជាតិរបស់ភ្នាក់ងារពន្លត់អគ្គិភ័យអូស្ត្រាលី (AFIRE) លោកស្រេង សុខា នាយការិយាល័យបង្ការពន្លត់អគ្គិភ័យខេត្ត ។
លោកស្រេង សុខា បានអានរបាយការណ៍ស្វាគមន៍ឱ្យដឹងថា ស្នងការដ្ឋាននគរបាលខេត្តកណ្តាលមានរថយន្តពន្លត់អគ្គិភ័យចំនួន៧គ្រឿង ក្នុងនោះធ្វើការបែងចែកជា៣ស្ថានីយ សម្រាប់ចេញប្រតិបត្តិការពន្លត់អគ្គិភ័យដែលកើតមានជាយថាហេតុ។ នៅក្នុងឆមាសទី១ ឆ្នាំ២០១២ នេះមានករណីគ្រោះថ្នាក់អគ្គិភ័យកើតឡើងចំនួន១៤លើក ក្នុងនោះមានក្រុងតាខ្មៅចំនួន៥លើក ស្រុកអង្គស្នួល៤លើក ស្រុកមុខកំពូល២លើក ស្រុកស្អាង១លើក ស្រុកកៀនស្វាយ១លើក និងស្រុកកោះធំ១លើក ។ ករណីគ្រោះថ្នាក់អគ្គិភ័យខាងលើរថយន្តពន្លត់អគ្គិភ័យ និងកម្លាំងការិយាល័យអគ្គិភ័យបានចុះជួយអន្តរាគមន៍សង្គ្រោះគ្រប់ករណី និងបានចុះជួយសង្គ្រោះនៅរាជធានីភ្នំពេញ ទាន់ពេលវេលាផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ