រាជធានីភ្នំពេញ ៖ ថ្ងៃទី៦ សីហា២០១២ លោកសេង សាញ់ ចៅសង្កាត់ស្ទឹងមានជ័យ បានចុះពិនិត្យផ្លូវបេតុងចំនួន២ខ្សែ ដោយខ្សែទី១ ប្រវែង៣៥៨ម៉ែត្រ ទទឹង៤ម៉ែត្រ ដែលជាមូលនិធិសង្កាត់១០០ភាគរយ និងខ្សែទី២ ប្រវែង២១៨ម៉ែត្រ ទទឹង៤ម៉ែត្រ ជាគម្រោងរបស់សាលារាជធានីភ្នំពេញ និងផ្លូវជាច្រើនខ្សែទៀតដែលបានស្ថាបនារួចរាល់ នឹងកំពុងស្ថាបនាទៅតាមគម្រោង ហើយនេះក៏ជាការអនុវត្តគម្រោងអភិវឌ្ឍន៍សង្កាត់ឆ្នាំ២០១២ ជូនប្រជាពលរដ្ឋក្នុងមូលដ្ឋានសង្កាត់ស្ទឹងមានជ័យ សម្រាប់ជាចំណងដៃក្នុងអាណត្តិទី៣ នេះ ។
លោកសេង សាញ់ បានមានប្រសាសន៍ថា ក្រោមការណែនាំរបស់លោកអភិបាលខណ្ឌមានជ័យ ឱ្យក្រុមការងាររបស់សង្កាត់ចុះតាមដានផ្ទាល់គ្រប់ការដ្ឋានធ្វើផ្លូវបេតុង និងដាក់លូទាំងអស់ និងធ្វើការណែនាំដល់ក្រុមហ៊ុនដែលឈ្នះការដេញថ្លៃអនុវត្តទៅតាមបទដ្ឋានបច្ចេកទេសឱ្យបានត្រឹមត្រូវទាំងគុណភាព និងសោភ័ណភាព។ ចំណែកប្រជាពលរដ្ឋរស់នៅអមសងខាងផ្លូវដែលត្រូវស្ថាបនាផ្លូវបេតុងក៏បានចូលរួមជាមួយក្រុមការងាររបស់សង្កាត់ក្នុងការតាមដានដល់ក្រុមហ៊ុនដែលកំពុងស្ថាបនា ហើយពួកគាត់ក៏ បានផ្តល់លក្ខណៈងាយស្រួលដល់ការបើកការដ្ឋានស្ថាបនាផ្លូវផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ