រាជធានីភ្នំពេញ ៖ ក្នុងរយៈពេល៦ខែដើមឆ្នាំ២០១២ នេះ តម្លៃអចលនាទ្រព្យដីធ្លី និងផ្ទះសម្បែងក្នុងរាជធានីភ្នំពេញមានការកើនឡើងពី៥ ទៅ១០ភាគរយ ប៉ុន្តែបើនិយាយជារួមនៅទូទំាងប្រទេសគឺមានការកើនឡើងតិចតួច ។ នេះបើយោងតាមប្រធានសមាគមអ្នកវាយតម្លៃអចលនទ្រព្យ និងជាប្រធានក្រុមហ៊ុនអចលនាទ្រព្យប៊ុណ្ណា រៀលធីគ្រុប លោកសឹង ប៊ុណ្ណា ដែលថ្លែងតាមទូរស័ព្ទប្រាប់កោះសន្តិភាពនៅរសៀលថ្ងៃទី៦ សីហា ២០១២ ។
បើតាមលោកសឹង បុណ្ណា ដីធ្លីដែលមានតម្លៃខ្ពស់ក្នុងរាជធានីភ្នំពេញ គឺនៅតំបន់បឹងកេងកងជាតំបន់លេខ១ ស្ថិតក្នុងខណ្ឌចំការមន សម្រាប់តំបន់លំនៅឋាន និងក្នុងខណ្ឌដូនពេញសម្រាប់តំបន់ពាណិជ្ជកម្ម ដែលតម្លៃដីក្នុង១ម៉ែត្រការ៉េថ្លៃពី១០០០ ទៅ២០០០ដុល្លារអាមេរិក ។ លោកប្រធានសមាគមអ្នកវាយតម្លៃអចលនទ្រព្យក្នុងប្រទេសកម្ពុជាបានបន្តថា សម្រាប់តំបន់លេខ២មាននៅក្នុង ខណ្ឌទួលគោក និងវត្តភ្នំ ដែលដី១ម៉ែត្រការ៉េថ្លៃពី៧០០ ទៅ ១០០០ដុល្លារ ។ ចំណែកតំបន់លេខ៣ ស្ថិតនៅក្នុងតំបន់ទឹកល្អក់ និងតំបន់ក្រវាត់ក្រុងភ្នំពេញ ដែលតម្លៃដីក្នុង១ម៉ែត្រការ៉េថ្លៃពី២០០ ទៅ ៦០០ដុល្លារ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ