រាជធានីភ្នំពេញ ៖ យុវជន២នាក់ជិះម៉ូតូឌ្រីមសេ១២៥ ពណ៌ខ្មៅ ស៊េរី២០០៦ ក្នុងល្បឿនលឿនតាមផ្លូវលេខ៥៩៨ ក៏ត្រូវក្រុមក្មេងស្ទាវ៤នាក់ជិះម៉ូតូ២គ្រឿងដកខ្សែក្រវាត់ដេញតាមវាយពីក្រោយ លុះមកដល់ចំណុចក្រោមស្ពានអាកាស៧មករា ធ្វើឱ្យយុវជនទាំង២នាក់ភ័យស្លន់ស្លោព្យាយាមបើកម៉ូតូគេចក៏ជ្រុលទៅបុកខឿនផ្លូវចំពីមុខពេញទំហឹង បណ្តាលឱ្យអ្នកជិះទាំង២នាក់ប៉ើងប្រហែល៥ម៉ែត្រទៅលើខឿនផ្លូវ។ តែសំណាងល្អមិនបណ្តាលឱ្យរងរបួសធ្ងន់គ្រាន់តែរលាត់ដៃជើងបន្តិចបន្តួច។
ហេតុការណ៍នេះកើតឡើង កាលពីវេលាម៉ោង១និង៣៥នាទីរំលងអធ្រាត្រឈានចូលថ្ងៃទី៦ សីហា ២០១២ តាមបណ្តោយផ្លូវ៥៩៨ សង្កាត់ទឹកថ្លា ខណ្ឌសែនសុខ ក្រោមស្ពានអាកាស៧មករា ។ យុវជនរងគ្រោះជាអ្នកបើកម៉ូតូឈ្មោះសៅ វិស័យ អាយុ២០ឆ្នាំ ជាសិស្ស ស្នាក់នៅសង្កាត់កាកាប ខណ្ឌពោធិ៍សែនជ័យ។ ចំណែកអ្នកជិះពីក្រោយមិនស្គាល់អត្តសញ្ញាណឡើយ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ