ប៉ូលិសរាយការណ៍ថា មនុស្ស៤នាក់បានត្រូវស្លាប់ក្នុងការធ្លាក់យន្តហោះទេសចរណ៍មួយគ្រឿងនៅCOBURG ភាគខាងត្បូងអាល្លឺម៉ង់ កាលពីថ្ងៃទី៥សីហា ។ក្នុងសេចក្តីប្រកាសមួយប៉ូលិសអាល្លឺម៉ង់ពន្យល់ថា ដោយពុំដឹងហេតុអីយន្តហោះម៉ាស៊ីនមួយធុន PIPER នោះបានធ្លាក់នាវេលាម៉ោង៦ព្រឹកម៉ោងក្នុងស្រុកក្រោយហោះឡើងពីព្រលានយន្តហោះមួយនៃសង្កាត់សំបូរព្រៃនោះ ស្ថិតនៅចម្ងាយ១៨០គ.ម ខាងកើតក្រុងFRANC-FORT។ អ្នកដំណើរ៤នាក់ក្នុងនោះមានបុរស២នាក់ និងនារី២នាក់ស្លាប់ទាំងអស់ ។
កាលពីយប់ថ្ងៃទី៤ សីហាក្នុងតំបន់ដដែលនោះដែរយន្តហោះទេសចរណ៍មួយគ្រឿងក៏ធ្លាក់ពេលហោះឡើងទៅCONSTANCE ភាគខាងត្បូងបាវីយែនក្បែរព្រំដែនស្វ៊ីស ។ គ្រោះថ្នាក់នោះបណ្តាលឱ្យមនុស្សម្នាក់ត្រូវរបួសស្រាលក្នុងចំណោមអ្នកទេសចរមួយក្រុមមានគ្នា៧នាក់ពេលយន្តហោះធ្លាក់ចម្ងាយប៉ុន្មានម៉ែត្រប៉ុណ្ណោះពីតង់របស់ពួកគេ ៕
ចែករំលែកព័តមាននេះ