ប្រទេសឥណ្ឌូណេស៊ី កំពុងសម្លឹងរកវិធីសាស្ត្រដើម្បីលើកកម្ពស់ការប្រកួតប្រជែងផ្នែកសេដ្ឋកិច្ចរបស់ខ្លួន។ ដើម្បីសម្រេចដូច្នេះបានមានវិធីតែមួយគត់គឺត្រូវបង្កើនចំនួនអ្នកបង់ពន្ធឱ្យបាន៣ដង។ ដូចកាលពី២-៣ឆ្នាំមុន ទំហំវិនិយោគទុននៅឥណ្ឌូណេស៊ីកើនដល់២៤%នៅក្នុងត្រីមាសទី២ ។
លោករដ្ឋមន្ត្រីពាណិជ្ជកម្ម Gita Wirjawan បានថ្លែងថា នេះគឺជាភស្តុតាងមួយដែលមិនអាចប្រកែកបានដែលបរិយាកាសធុរកិច្ច និងវិនិយោគត្រូវបានលើកកម្ពស់ ។ ដើម្បីទៅមុខបាន គឺត្រូវបង្កើនចំនួនអ្នកបង់ពន្ធពី១០លាននាក់ និងក្រុមហ៊ុនសាជីវកម្មដល់៣០លាន ទើបសាជីវកម្មនោះអាចធ្វើឱ្យរបបពន្ធមានការប្រកួតប្រជែងបាន ។ លោកថា ហេតុអ្វីបានជាវាកាន់តែធ្វើឱ្យចាប់អារម្មណ៍ គឺថា ក្រុមហ៊ុនដែលចុះបញ្ជីសាធារណៈនៅឥណ្ឌូណេស៊ីគ្រាន់តែត្រូវចំណាយអត្រាពន្ធ២០%ប៉ុណ្ណោះ ។
ដោយយល់ឃើញថា នឹងមានមនុស្សច្រើនឡើងៗបង់ពន្ធនៅឥណ្ឌូណេស៊ី ចំនួនប្រជាជនកាន់តែច្រើន និងកំណើនរយៈពេលសារពើពន្ធសម្រាប់រដ្ឋាភិបាលនោះ រដ្ឋាភិបាលក្នុងប្រទេសអាចបង្កើតរបបបង់ពន្ធកាន់តែប្រកួតប្រជែងឡើង ។ វាអាចប្រើប្រាស់ដើម្បីអភិវឌ្ឍន៍ហេដ្ឋារចនាសម្ព័ន្ធផ្នែករឹង និងទន់ និងចំណាយទៅលើការអប់រំថែមទៀតផង។ អ៊ូម៉ា ជូអូរ៉ូ ទេសាភិបាលរងធនាគារឥណ្ឌូណេស៊ី និយាយថា ធនាគារកណ្តាលចង់ឃើញរាល់ធនាគារទាំងអស់មានការប្រកួតប្រជែង ដូច្នេះហើយអត្រាប្រាក់កម្ចីគួរតែទាបតាមរយៈការពង្រឹងការគ្រប់គ្រងផ្ទៃក្នុងធនាគារ ។ បើទោះបីជាមានពិធីបុណ្យតមអាហាររ៉ាម៉ាដាន ដែលជាពេលអតិផរណាកើនឡើងក៏ដោយ ក៏រដ្ឋាភិបាលនៅតែមានទំនុកចិត្តថា សន្ទស្សន៍នេះនឹងមិនឡើងលើសពី៥%នោះទេ នៅក្នុងខែកក្កដា និងសីហា ៕
ចែករំលែកព័តមាននេះ