តាមការស្ទាបស្ទង់មួយផ្នែកពាណិជ្ជកម្មបានបង្ហាញថា កំណើនការផលិតរបស់ឥណ្ឌាបានធ្លាក់ចុះយ៉ាងខ្លាំងនៅក្នុងខែកក្កដានេះ ហើយការធ្លាក់ចុះនេះវាបានអូសបន្លាយតាំងតែពីវិច្ឆិកា ឆ្នាំទៅមិញម៉្លេះ ក្នុងនោះការបញ្ជាទិញពីបរទេស និងផលិតផលសម្រេចក៏ថយចុះជាលំដាប់ ។ បើតាមការស្ទាបស្ទង់របស់សន្ទស្សន៍(PMI)ដែលវាស់វែងសកម្មភាពពាណិជ្ជកម្មនៅក្នុងរោងចក្ររបស់ឥណ្ឌាបានធ្លាក់ពី៥៥%នៅក្នុងខែមិថុនាមក៥២,៩%នៅក្នុងខែកក្កដាដែលនេះជាការធ្លាក់ចុះធំបំផុតចាប់តាំងពីខែកញ្ញាឆ្នាំមុន ។
គួរបញ្ជាក់ថា កាលពីខែមុននៅប្រទេសឥណ្ឌាបានដាច់ចរន្តអគ្គិសនីស្ទើរតែពេញផ្ទៃប្រទេសដែលបណ្តាលឱ្យរោងចក្រផ្អាកសកម្មភាពផលិតរបស់ខ្លួន ។ លោក Leif Eskesenសេដ្ឋវិទូម្នាក់បាននិយាយគាំទ្រការស្ទាបស្ទង់ខាងលើថា សកម្មភាពផលិតកម្មកើនឡើងយ៉ាងតឹងបំផុតនៅក្នុងខែកក្កដា ដោយសារការដាច់ចរន្តអគ្គិសនី និងលំហូរការបញ្ជាទិញថ្មីៗនៅនឹងថ្កល់ នេះក៏ព្រោះតែភាពទន់ខ្សោយនៃស្ថានភាពសេដ្ឋកិច្ចសាកលដែលបានពន្យឺតដល់ការបញ្ជាទិញពីបរទេសយ៉ាងដូច្នោះ ៕
ចែករំលែកព័តមាននេះ