យោងតាមសមាគមដែក និងដែកថែបចិន(CISA)បាននិយាយថា ប្រាក់ចំណេញរបស់រោងចក្រផលិតដែកថែបចិនធ្លាក់ចុះ៩៦%នៅក្នុងឆមាសទី១ឆ្នាំ២០១២នេះ ។ បណ្តារោងចក្រនានា ជាពិសេសរោងចក្រធំៗកំពុងតែស្វះស្វែងឱ្យតម្លៃដែកថែបឡើងថ្លៃ ខណៈដែលតម្លៃដែកថែបបានដាំក្បាលចុះយ៉ាងខ្លាំង។ កម្រិតនៃការលក់បានធ្លាក់ចុះដល់ពី៣,០៦%មក០,១៣% កាលពីឆ្នាំមុន។
ជាទូទៅបណ្តារោងចក្រនានារកចំណូលបាន២.៣៨៥ពាន់លានយាន់ស្មើនឹង៣៧៤ពាន់លានដុល្លារនៅក្នុងឆមាសទី១ឆ្នាំនេះ ។ តម្រូវការដែកថែបធ្លាក់ចុះរបស់ចិន បាននិងកំពុងជំរុញឱ្យការនាំចេញលោហធាតុរបស់ចិនស្ថិតក្នុងកម្រិតមួយខ្ពស់ក្នុងរយៈពេលជាង៣ឆ្នាំកន្លងមកនេះ។ គួរបញ្ជាក់ថា ប្រទេសចិនបានជំរុុញការនាំចេញនៅក្នុងឆមាសទី១ នូវលោហធាតុដែលត្រូវបានគេប្រើទៅលើរថយន្ត និងសំណង់ផ្សេងៗរហូតដល់ទៅ២៧,២៦ លានតោនដែលជាចំនួនមួយច្រើនបំផុតក្នុងរយៈពេល៦ខែចាប់តាំងពីឆ្នាំ២០០៨មក ៕
ចែករំលែកព័តមាននេះ