ADផ្ទាំងផ្សព្វផ្សាយពាណិជ្ជកម្ម

ឃុំខ្លួនអ្នកកាសែតម្នាក់ក្រោយគ្រោះថ្នាក់ចរាចរណ៍ អ្នកយកព័ត៌មានជាច្រើននាក់តាមដានដល់តុលាការ

13 ឆ្នាំ មុន

០៥ ខែ សីហា ឆ្នាំ ២០១២ ម៉ោង ០៤:៤៧

ក្រុងប៉ោយប៉ែត ៖ អ្នកយកព័ត៌មានឱ្យកាសែត និងទូរទស្សន៍ ជាច្រើននាក់ ក្នុងនោះរួមមានទាំងតំណាងអង្គការ សិទ្ធិមនុស្ស និងសង្គមស៊ីវិលមួយចំនួនផង សរុបជាង៣០នាក់ នៅព្រឹកថ្ងៃទី៥ សីហា ២០១២ នេះបាននាំគ្នាធ្វើដំណើរទៅកាន់តុលាការខេត្តបន្ទាយមានជ័យ ដើម្បីស៊ើបអង្កេត និងយកព័ត៌មានមួយទាក់ទិនទៅនឹងករណីអ្នកកាសែតក្នុងស្រុកម្នាក់ត្រូវបានសមត្ថកិច្ចឃុំខ្លួន ក្រោយពីអ្នកកាសែតរូបនេះបើករថយន្តប៉ះជនរង គ្រោះម្នាក់កាលពីព្រឹកថ្ងៃទី៣ សីហា ២០១២ នៅភូមិ៤ សង្កាត់ព្រះពន្លា ក្នុងសិរីសោភ័ណ ខេត្តបន្ទាយមានជ័យ ។

អ្នកយកព័ត៌មានជាច្រើននាក់ខាងលើនេះយល់ឃើញថា ដោយសារអ្នកកាសែតដែលត្រូវគេឃុំខ្លួនរងនៅភាពអយុត្តិធម៌ ទើបនាំគ្នាតាមដានយកព័ត៌មាននេះដល់តុលាការតែម្តង ។ អ្នកកាសែតដែលត្រូវគេឃុំខ្លួនឈ្មោះគា សុភ័ក្រ ភេទប្រុស អាយុ២៩ឆ្នាំ ជាអ្នកយកព័ត៌មានឱ្យកាសែតមួយ ប្រចាំខេត្តបន្ទាយមានជ័យ ។