អង្គការកម្មវិធីស្បៀងអាហារពិភពលោក PAM រាយការណ៍ថា អង្គការនេះនឹងបញ្ជូនជំនួយស្បៀងបន្ទាន់លើកដំបូងទៅកាន់កូរ៉េខាងជើងដែលនៅទីនោះទឹកជំនន់និងខ្យល់ព្យុះមួយបានសម្លាប់មនុស្សជាង១០០នាក់ហើយញ៉ាំងឱ្យមនុស្សជាង៨៤.០០០នាក់គ្មានទីជម្រកកាលពីខែមុន ។
ក្នុងសេចក្តីប្រកាសមួយកាលពីថ្ងៃទី៤សីហា កន្លងមកនេះអង្គការPAM និយាយថា ជំនួយនឹងអាចផ្តល់ដល់បណ្តាជនរងគ្រោះទឹកជំនន់ដោយជំហានដំបូងជនរងគ្រោះម្នាក់អាចទទួលបានរបបពោត៤០០ក្រាម ក្នុងមួយថ្ងៃសម្រាប់រយៈពេល១៤ថ្ងៃ ។ អង្គការនេះពុំបានបញ្ជាក់ពីកាលបរិច្ឆេទនៃការបញ្ជូនជំនួយទៅកាន់កូរ៉េខាងជើងឡើយ ។
យោងតាមអ.ស.ប និងទីភ្នាក់ងារព័ត៌មានផ្លូវការកូរេ៉ខាងជើង KCNA ថា ព្យុះនានាបង្កឱ្យមានទឹកជំនន់ធ្ងន់ធ្ងរក្នុងផ្នែកមួយដ៏ធំរបស់ប្រទេសដោយបំផ្លាញផ្ទៃដីដាំដុះប្រមាណជា ៤៥.០០០ហិកតា ។ ដំណាំ ពោត សណ្តែកសៀង និងស្រូវ រងការប៉ះពាល់ជាពិសេស ៕
ចែករំលែកព័តមាននេះ