ខេត្តកំពង់ស្ពឺ ៖ គ្រោះថ្នាក់ចរាចរណ៍មួយបានកើតឡើងនៅលើកំណាត់ផ្លូវជាតិលេខ៤ ចំណុចមុខមន្ទីរសាធារណការដឹកជញ្ជូនខេត្ត ស្ថិតក្នុងភូមិសំណង់ សង្កាត់រការធំ ក្រុងច្បារមន បង្កឡើងដោយរថយន្ត LUXUS 430 មួយគ្រឿងបើកបុកគ្នាពន្លះគោយន្ត បណ្តាលឱ្យស្លា.ប់អ្នកបើកបរគោយន្តភ្លាមៗមួយរំពេច ។
ខេត្តកំពង់ស្ពឺ ៖ គ្រោះថ្នាក់ចរាចរណ៍មួយបានកើតឡើងនៅលើកំណាត់ផ្លូវជាតិលេខ៤ ចំណុចមុខមន្ទីរសាធារណការដឹកជញ្ជូនខេត្ត ស្ថិតក្នុងភូមិសំណង់ សង្កាត់រការធំ ក្រុងច្បារមន បង្កឡើងដោយរថយន្ត LUXUS 430 មួយគ្រឿងបើកបុកគ្នាពន្លះគោយន្ត បណ្តាលឱ្យស្លាប់អ្នកបើកបរគោយន្តភ្លាមៗមួយរំពេច ។
ទាក់ទិនករណីគ្រោះថ្នាក់ចរាចរណ៍នេះមន្ត្រីប៉ូលិសចរាចរខេត្តបានឱ្យដឹងថា នៅវេលាម៉ោង៥និង១៥នាទីព្រឹកថ្ងៃទី៤ សីហា ២០១២ នៅលើផ្លូវជាតិលេខ៤ ចំណុចមុខមន្ទីរសាធារណការខេត្តមានគោយន្តមួយគ្រឿងបើកបរដោយឈ្មោះអឹុម ផល ភេទប្រុស អាយុ៤៧ឆ្នាំ មានទីលំនៅភូមិអន្លង់ថ្កូវ ឃុំរលាំងចក ស្រុកសំរោងទង ចេញពីផ្ទះសំដៅទៅភូមិរការធំ សង្កាត់រការធំ បំណងភ្ជួរដីស្រែធ្វើទីស្ទូង។ លុះពេលមកដល់ចំណុចខាងលើគោយន្តបានបើកឆ្លងផ្លូវពីត្បូងទៅជើងជិតទៅហើយ ស្រាប់តែមានរថយន្តមួយគ្រឿងម៉ាក LEXUS 430 ពណ៌ខ្មៅ ជិះគ្នា៥នាក់បុកពេញទំហឹង បណ្តាលឱ្យគោយន្តដាច់ជាបំណែក និងស្លាប់អ្នកបើកបរតែម្តង ។ ក្រោយពីកើតហេតុអ្នកជិះក្នុងរថយន្តទាំង៥នាក់ពុំមានរងរបួសនោះទេ គេចខ្លួនបាត់ទៅ ។ រថយន្ត LEXUS L5 430 ខូចខាតធ្ងន់ រួមនឹងបំណែកគោយន្តជាកំណាត់ៗត្រូវបានប៉ូលិសចរាចរខេត្តយកទៅរក្សាទុកនៅការិយាល័យចរាចរខេត្តរង់ចាំដោះស្រាយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ