ខេត្តបាត់ដំបង ៖ យុវជនម្នាក់ត្រូវសមត្ថកិច្ចឃាត់ខ្លួនក្រោយពីសង្ស័យថា បានចាប់រំលោភសេពសន្ថវៈទៅលើក្មេងស្រីអាយុ៩ឆ្នាំ ម្នាក់រហូតដល់សន្លប់កាលពីថ្ងៃត្រង់ថ្ងៃទី៣ សីហា នៅក្បែរដំបូកមួយកន្លែងក្នុងស្រុកសំពៅលូន ដោយប្រើម្រាមដៃធ្វើសកម្មភាព ។
មន្ត្រីនគរបាលការិយាល័យព្រហ្មទណ្ឌកម្រិតធ្ងន់បានឱ្យដឹងថា ជនសង្ស័យឈ្មោះងឿន ភន អាយុ២៤ឆ្នាំ នៅភូមិស្រឡៅជ្រុំ ឃុំជ្រៃសីមា និងក្មេងស្រីរងគ្រោះអាយុ៩ឆ្នាំ ។ មន្ត្រីដដែលបញ្ជាក់ថា សមត្ថកិច្ចមូលដ្ឋានបានឃាត់ខ្លួនជននេះបន្ទាប់ពីឪពុកកុមារីរងគ្រោះឈ្មោះអ៊ុំ សុផាត ដាក់ពាក្យប្តឹងចោទប្រកាន់ក្រោយពីកូនស្រីគាត់ និងសាក្សីបានប្រាប់ ។ លោកអ៊ុំ សុផាត បានប្រាប់សមត្ថកិច្ចថា គាត់បានដឹងរឿងនេះពេលឃើញកូនស្រីដេកលើគ្រែងើបមិនរួច ដែលមានឈាមប្រឡាក់ជោកខោផង ។ គាត់និយាយថា កូនស្រីបានប្រាប់ថា ឈ្មោះភន បានចាប់នាងរំលោភនៅក្បែរដំបូកក្រោយភូមិ ។ ដោយមិនបង្អង់យូរគាត់ក៏បានទៅប្តឹងសមត្ថកិច្ចឱ្យចាប់ខ្លួនជនអគតិនោះតែម្តងទៅ។
តាមការបំភ្លឺពីកុមារីរងគ្រោះថា យុវជននោះបានចាប់នាងរំលោភក្នុងគ្រាដែលនាងដើរមកពីសុំទឹកគេដែលនៅឆ្ងាយពីផ្ទះប្រហែល៤០០ម៉ែត្រ។ នាងនិយាយថា ពេលដើរមកដល់ក្បែរដំបូកស្ងាត់ ជននោះក៏ចាប់ដៃរួចវាយកញ្ចឹង.កនាង២ដៃធ្វើឱ្យនាងដួល ។ គ្រានោះជននេះច្របាច់.កនាង រួចចាប់ស្រាតខោនាងអស់ និងបានយកម្រាមដៃរុកប្រដាប់ភេទនាងយ៉ាងខ្លាំង រហូតធ្វើឱ្យនាងសន្លប់លែងដឹងខ្លួន ។ លុះពេលដឹងខ្លួនវិញ ជននេះ បានស្លៀកខោឱ្យនាងដែលមានឈាមហូរប្រឡាក់ជោក តែមិនឃើញជនគម្រកនោះទេ ហើយនាងក៏ដើរទៅផ្ទះវិញដើម្បីប្រាប់ឪពុកនាង ។
ជនសង្ស័យឈ្មោះងឿន ភន បានសារភាពដែរថា ខ្លួនពិតជាបានប្រព្រឹត្តបែបនេះទៅលើនាងមែន ដោយប្រើម្រាមដៃ ។ ជននេះ និយាយថា ខ្លួនវាយកញ្ចឹង.កនាងរួចច្របាច់.ករហូតសន្លប់។ គ្រានោះខ្លួនបានប្រើម្រាមដៃស្តាំរុកប្រដាប់ភេទនាងធ្វើឱ្យមានឈាម ទើបខ្លួនស្លៀកខោឱ្យនាងវិញ រួចក៏ងើបចេញទៅ ។ ជននេះបញ្ជាក់ថា ខ្លួនគ្រាន់តែប្រើម្រាមដៃ តែមិនបានប្រើប្រដាប់ភេទរួមរ័កជាមួយនាងទេ ។ ទោះបីជាយ៉ាងណាក៏ដោយក្តីជននេះត្រូវបានមន្ត្រីនៃការិយាល័យជំនាញកសាងសំណុំរឿងបញ្ជូនខ្លួនទៅកាន់តុលាការហើយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ